Fana: At a Speed of Life!

የ6 ቀን ጨቅላ ህፃን በሻንጣ ደብቃ ለማሳለፍ የሞከረችው ግለሰብ በቁጥጥር ስር ዋለች

አዲስ አበባ፣ ጳጉሜን 1፣ 2011 (ኤፍ.ቢ.ሲ) በአውሮፕላን የ6 ቀን ጨቅላ ህፃን በሻንጣ ደብቃ ለማሳለፍ የሞከረችው አሜሪካዊት በቁጥጥር ስር መዋሏ ተሰምቷል።

ጀኒፈር ታልቦ የተባለችው ግለሰብ በትናንትናው ዕለት በፊሊፒንስ ማኒላ አውሮፕላን ማረፊያ የ6 ቀን ጨቅላ ሕፃን በሻንጣ ደብቃ ልታሳልፍ ስትሞክር በቁጥጥር ስር ውላለች።

ተጠርጣሪዋ በቁጥጥር ስር የዋለችው የአውሮፕላን ማረፊያው ሰራተኞች ባደረጉት ፍተሻ መሆኑን አሜሪካ ዴይሊ አስነብቧል።

ግለሰቧ በወቅቱ ህፃኑን ለማሳፈር የሚያስችል የይለፍ መታወቂያን ጨምሮ ተገቢ የጉዞ ሰነድ አለመያዟ ተገልጿል።

የ43 ዓመቷ ጀኒፈር በዚህ ድርጊቷ በህገ ወጥ የሰው ማዘዋወር ወንጀል ክስ የተመሰረተባት መሆኑ በዘገባው ተመላክቷል።

 

 

You might also like
Comments
Loading...