Fana: At a Speed of Life!

የ2020 የአፍሪካ ዓለም አቀፍ የጨርቃ ጨርቅ ማሽነሪ ኤግዚቢሽን በኢትዮጵያ አስድተናጋጅነት ይካሄዳል

አዲስ አበባ፣ ነሃሴ 29፣ 2011 (ኤፍ.ቢ.ሲ) የአውሮፓውያኑ 2020 የአፍሪካ ዓለም አቀፍ የጨርቃ ጨርቅ ማሽነሪ ኤግዚቢሽን በኢትዮጵያ አስተናጋጅነት እንደሚካሄድ ተገለፀ።

የኢትዮጵያ የንግድ ማህበራት ምክር ቤት እና የህንድ ዓለም አቀፍ የጨርቃ ጨርቅ ማሽነሪ ማህበረሰብ ናቸው የአፍሪካ ዓለም አቀፍ የጨርቃ ጨርቅ ማሺነሪ ኤግዚቢሽኑን በጋራ የሚያዘጋጁት።

ዓለም አቀፍ የጨርቃ ጨርቅ ማሺነሪ ኤግዚቢሽኑ በአዲስ አበባ የሚካሄድ ሲሆን፥ ኢትዮጵያ ኤግዚቢሽኑን እንድታስተናግድ የተመረጠችውም ከቅርብ ሀገራው ወዲህ የጨርቃ ጨርቅ ኢንዱስትሪው ነሀገሪቱ እየተስፋፋ መምጣቱን ተከትሎ እንደሆነም ታውቋል።

በኤግዚቢሽኑ ላይም ከቻና፣ ህንድ፣ ጣሊያን፣ ብሪታኒያ፣ ስዊዘርላንድ፣ ቱርክ እና ሌሎች የአፍሪካ ከሀራት የተውጣጡ ከ2200 በላይ ኩባንያዎች ይሳተፋሉ ተብሎ ይጠበቃልም ተብሏል።

ኤግዚቢሽኑ በኢትዮጵያ መካሄዱ በዘርፉ ሀገሪቱ የውጭ ቀጥታ ኢንቨስትመንትን ለመሳብ እድል እንደሚፈጥርም ተነግሯል።

You might also like
Comments
Loading...