Fana: At a Speed of Life!

የ2012 ዓ.ም የትምህርት ዘመን ወደ 11ኛ ክፍል መግቢያ ነጥብ ይፋ ሆነ

አዲስ አበባ፣ መስከረም 9፣ 2012 (ኤፍ.ቢ.ሲ) የ2012 ዓ.ም የትምህርት ዘመን ወደ 11ኛ ክፍል መግቢያ ነጥብ ይፋ ሆነ።

የመደበኛ፣ የማታና የግል ተፈታኝ ተማሪዎች ለወንድ 2 ነጥብና ከዛ በላይ ለሴት 1 ነጥብ 86 እና በላይ ሆኖ የማታና የግል ተፈታኝ ተማሪዎች በማታው ፕሮግራም ይቀጥላሉ::

ለአካል ጉዳተኞች መስማት የተሳናቸው ለወንድ 1 ነጥብ 86 እና ከዛ በላይ ለሴት 1 ነጥብ 71 እና በላይ እንዲሁም ለዓይነ ስውራን ለወንድ 1 ነጥብ 71 ለሴት 1 ነጥብ 61 እንዲሆን ተወስኗል::

ልዩ ድጋፍ የሚሹ ክልሎች፣ አርብቶ አደር አካባቢዎች እና የፀጥታ ችግር የታየባቸው አካባቢዎች ደግሞ ለወንድ 1 ነጥብ 86 ለሴት 1 ነጥብ 71 እንዲሆን መወሰኑን የሀገር አቀፍ የትምህርት ምዘናና ፈተናዎች ኤጀንሲ አስታውቋል፡፡

ሁሉም ወደ 11ኛ ክፍል የሚገቡ ተማሪዎች የሚመርጡት የትምህርት መስክ በትምህርትና ሥልጠና ፍኖተ-ካርታው በተሰጠው አቅጣጫ መሰረት በምርጫ ተፈጥሮ ሳይንስና ማህበራዊ ሳይንስ ብቻ ይሆናል፡፡

ከዚህ በፊት የአጠቃላይ ሁለተኛ ደረጃ ትምህርት 10ኛ ክፍል ሀገር አቀፍ ፈተና 2 ነጥብ እና ከዚያ በላይ ያመጡ በማታው ፕሮግራም የ11ኛ ክፍል ትምህርታቸውን መቀጠል የሚችሉ መሆኑን ኤጀንሲው አስታውቋል፡፡

You might also like
Comments
Loading...