Fana: At a Speed of Life!

የ16 ዓመቱ ጀርመናዊ ባለትልቅ እግር ክብረ ወሰንን ይዟል

አዲስ አበባ፣ ነሃሴ 29፣ 2011 (ኤፍ.ቢ.ሲ) የ16 ዓመቱ ጀርመናዊ ላርስ ሞትዛ ባለትልቅ እግር በመባል ስሙ የዓለም ክብረ ወሰኖች እና ድንቃ ድንቅ መዝገቦች ላይ ሊሰፍር ችሏል።

ጀርመናዊው ላርስ ሞትዛ የግራ እግር ርዝመት 35 ነጥብ 05 ሴንቲሜትር ሲሆን፥ የግራ እግሩ ደግሞ 38 ነጥብ 98 እንደሚረዝም ነው የተነገረው።

ይህንን ተከትሎም የሚያደርገው ጫማ ቁጥር 57 እንደሆነ ነው የተነገረው።

ላርስ ክብረ ወሰኑን ማቱ አንድሬው ቡጅ ከተባለ ግለሰብ የተረከበ ሲሆን፥ ማቱ በወቅቱ ግራ እግሩ 32 ነጥብ 95 ሴንቲ ሜትር፤ ቀኝ እግሩ ደግሞ 32 ነጥብ 85 ሴንቲ ሜትር በመርዘሙ ነው ክብረ ወሰኑን የያዘው።

የላስር አባት ፍራንክ እንደተናገሩት፥ የላርስ እግር ትልቅ እንደሚሆን ከበፊቱም ጠርጥረን ነበር፤ ምክያቱ ደግሚ ሲወለድ ራሱ እግሩ 9 ነጥብ 5 ሴንቲ ሜትር ይረዝም ነበር ብለዋል።

እንደ ቤተሰብም ትልቅ እግር እንዳላቸው የሚናገሩት የላርስ አባት ለእግራቸው የሚያደርጉት የጫማ ቁጥር 50 እንደሆነ እና የላርስ እናት እግር ጫማ ደግሞ 43 ቁጥር እንደሆነ ገልፀዋል።

ላርስ ትልቁ ፈተናው ለእግሩ የሚሆን ጫማ ፈልጎ ማግኘት እንደሆነም ነው የሚናገረው።

ምንጭ፦ guinnessworldrecords.com

You might also like
Comments
Loading...