Fana: At a Speed of Life!

የገቢዎች ሚኒስቴር በነሃሴ ወር ከ20 ቢሊየን ብር በላይ ሰበሰበ

አዲስ አበባ፣ መስከረም 4፣ 2012 (ኤፍ.ቢ.ሲ) የገቢዎች ሚኒስቴር በነሃሴ ወር በሰራቸው የንቅናቄ ስራዎች፣ የህግ ማስከበር፣ የግንዛቤ ማስጨበጫ እና የህግ ማሻሸያ ስራዎች ከ20 ቢሊየን ብር በላይ ገቢ መሰብሰቡን ገለፀ።

ሚኒስቴሩ በወሩ 19 ነጥብ 5 ቢሊየን ብር ለመሰብሰብ አቅዶ ነው ከ20  ቢሊየን ብር በላይ የሰበሰበው።

ይህም የእቅዱነ 102 ነጥብ 37% በመቶ ሆኗል።

15 ነጥብ 9 ቢሊየን ብር ከተሰበሰበበት የአምናው ተመሳሳይ ወቅት ጋር ሲነፃፀርም 25 ነጥብ 45 በመቶ ብልጫ አለው ተብሏል።

በቀጣይም አመታዊ እቅዱ እንዲሳካ እና ሃገራዊ ገቢን ለማሳደግ የተያዘው ራዕይ እውን እንዲሆን ሁሉም ባለድርሻ አካላት ተሳትፏቸውን አጠናክረው እንዲቀጥሉ አሳስቧል።

ሚኒስቴሩ በበጀት አመቱ 248 ቢሊየን ብር ለመሰብሰብ አቅዶ እየሰራ መሆኑን ከሚኒስቴሩ ያገኘነው መረጃ ያመላክታል።

You might also like
Comments
Loading...