Fana: At a Speed of Life!

የዓረብ ሃገራት የኔታንያሁን የጆርዳን ሸለቆ አካባቢን የመያዝ እቅድ ኮነኑ

አዲስ አበባ ፣ ጳጉሜን 6 ፣ 2011 (ኤፍ ቢ ሲ) የዓረብ ሃገራት የእስራኤሉን ጠቅላይ ሚኒስትር ቤንያሚን ኔታንያሁን የጆርዳን ሸለቆ አካባቢን የመያዝ እቅድ ኮነኑ።

ኔታንያሁ በቀጣዩ ምርጫ አሸንፈው በስልጣናቸው የሚቆዩ ከሆነ በዌስት ባንክ የሚገኘውን የጆርዳን ሸለቆን እና የሙት ባህርን ሰሜናዊ ክፍል እንደሚይዙ ቃል ገብተዋል።

ጠቅላይ ሚኒስትሩ በምርጫ ዘመቻው ላይ ባደረጉት ንግግር በምርጫው ካሸነፉ በጆርዳን ሸለቆና በሙት ባህር ሰሜናዊ ክፍል የእስራኤልን ሉዓላዊነት አረጋግጣለሁ ብለዋል።

ከዚህ ባለፈም እስራኤል ከራስ ገዟ ፍልስጤም ጋር ዘወትር የምትፋጠጥበትን ዌስት ባንክ ሙሉ በሙሉ በእስራኤል አስተዳደር ስር የማድረግ እቅድ እንዳላቸውም ይፋ አድርገዋል።

የጆርዳን ሸለቆዎችን እስራኤል “ከደህንነትና ፀጥታ ስጋት ጋር በተያያዘ” መቆጣጠር አለባትም ነው ያሉት ኔታንያሁ።

የዓረብ ሊግ አባል ሃገራት የኔታንያሁን እቅድ ክፉኛ የኮነኑ ሲሆን፥ እቅዳቸውን “አደገኛና ወረራ” በማለት ገልጸውታል።

የፍልስጤም አምባሳደር ሳዒብ ኢርካት በበኩላቸው እቅዱን “የጦር ወንጀል” በማለት ገልጸውታል፤ ሁኔታው የእስራኤልና ፍልስጤም የሰላም ሂደትን እንደሚጎዳው በመጥቀስ።

የኔታንያሁ ሊኩይድ ፓርቲ በምርጫው ከሰማያዊና ነጭ ህብረት ፓርቲ ከባድ ፍጥጫ ይጠብቀዋል።

 

 

ምንጭ፦ ቢቢሲ

You might also like
Comments
Loading...