Fana: At a Speed of Life!

የውጭ ጉዳይ ሚኒስትሩ የሩሲያ ጉብኝታቸውን ጀመሩ

አዲስ አበባ፣ ጳጉሜን 4፣ 2011 (ኤፍ.ቢ.ሲ) የኢፌዴሪ የውጭ ጉዳይ ሚኒስትር አቶ ገዱ አንዳርጋቸው ከሩሲያው አቻቸው ሰርጌ ላቭሮቭ በቀረበላቸው ግብዣ መሰረት ይፋዊ የሥራ ጉብኝት ለማድረግ ሞስኮ ገብተዋል።

ሚኒስትሮቹ ሞስኮ ሲደርሱ የሩሲያ የውጭ ጉዳይ ሚኒስቴር የአፍሪካ ጉዳዮች ሃላፊ አምባሳደር ጆርጂ ቶድዋ፣ በሩሲያ የኢፌዴሪ አምባሳደር ክቡር አቶ ዓለማየሁ ተገኑ እንዲሁም የኤምባሲው አባላት አቀባበል አድርገውላቸዋል።

ሚኒስትሩ በሁለትዮሽና ቀጠናዊ ጉዳዮች ዙሪያ ከሩሲያው አቻቸው ሰርጌ ላቭሮቭ ጋር ምክክር ያደርጋሉ።

በዚሁ ጉብኝት የኢፌዴሪ መከላከያ ሚኒስትር አቶ ለማ መገርሳ ከሩሲያ ወገን ጋር በሚደረግ ውይይት እንደሚሳተፉ ይጠበቃል።

ጉብኝቱ የሁለቱን ሃገራት የንግድ፣ የኢንቨስትመንት እና የልማት ትብብር እንዲሁም የሳይንስና ቴክኖሎጂ ትብብር እንደሚያሳድግ እንደሚታመንም ነው የውጭ ጉዳይ ሚኒስቴር ቃል አቀባይ አቶ ነብያት ጌታቸው በማህበራዊ ድረ ገፃቸው ያስታወቁት።

የሩሲያው የውጭ ጉዳይ ሚኒስትር ሰርጌ ላቭሮቭ በፈረንጆቹ 2018 በኢትዮጵያ ይፋዊ የስራ ጉብኝት ማድረጋቸው ይታወሳል።

 

You might also like
Comments
Loading...