Fana: At a Speed of Life!

የወላይታ ብሔር ዘመን መለወጫ ግፋታ በዓል የተለያዩ ክልል አመራሮች እንዲሳተፉ ግብዣ ቀረበ

አዲስ አበባ፣ መስከረም 11፣ 2012 (ኤፍ ቢ ሲ) የወላይታ ብሔር ዘመን መለወጫ ግፋታ በዓል በደማቅ ሁኔታ ለማክበር ቅድመ-ዝግጅት መጠናቀቁን የወላይታ ዞን ባህል ቱሪዝምና ስፖርት መምሪያ አስታወቀ፡፡

በበዓሉ አከባበር የህዝብ ለህዝብ ትስስር ለማጠናከር የሚያስችሉ ተግባራት እየተከናወኑ መሆናቸው ተጠቁሟል፡፡

የወላይታ ህዝብ ከሌሎች የኢትዮጵያ ህዝቦች ጋር የነበረውን አንድነት በይበልጥ ለማጠናከር የሚያስችል በዞኑ ከተለያዩ የህብረተሰብ ክፍሎች የተወጣጡ የጉዞ ግፋታ ልዑካን ቡድን ወደተለያዩ የኢትዮጵያ ክፍሎች መጓዛቸውን ተነግሯል፡፡

በዚህም የጉዞ ግፋታ አባላት ለትግራይ ክልል ምክትል ርዕሰ መስተዳድር ዶክተር ደብረፂዮን ገብረሚኤልና ለአማራ ክልል ምክትል ርዕሰ መስተዳድር አቶ ላቀ አያሌው ግብዣ አቅርበዋል፡፡

’የጉዞ ግፋታ’’ ልዑካን ቡድን እንቅስቃሴ ዋና ዓላማው የዘንድሮውን የወላይታ ብሔር ዘመን መለወጫ ግፋታ በዓል ከመላው የኢትዮጵያ ብሔር ብሔረሰቦች ጋር በጋራ ለማክበር ያለመ ነው ተብሏል፡፡

በመስከረም 15 ቀን በወላይታ ጉተራ አዳራሽ በሚካሄደው ሲምፖዚየም የብሔሩ ባህል፣ ታሪክና ቋንቋ አስመልክቶ በምሁራን የተዘጋጀው ጥናታዊ ጽሑፍ እንደሚቀርብ ደሬቴድ ያገኘነው መረጃ ያመለክታል፡፡

በዓሉ በዞኑ ማዕከል በመስከረም 18 ቀን 2012 ዓ.ም በወላይታ ሶዶ ሁለገብ ስታዲየም እንደሚከበር ተጠቁሟል፡፡

You might also like
Comments
Loading...