Fana: At a Speed of Life!

የከፍተኛ ትምህርት መግቢያ ነጥብ ነገ ይፋ ይደርጋል

አዲስ አበባ፣ ጳጉሜን 5፣ 2011 (ኤፍ.ቢ.ሲ) የ2012 የከፍተኛ ትምህርት መግቢያ ነጥብን በነገው ዕለት ይፋ እንደሚያደርግ የሳይንስና ከፍተኛ ትምህርት ሚኒስቴር አስታወቀ።

በመጪው የትምህርት ዘመን የመንግስት ዩኒቨርስቲዎች መግቢያ የሚወሰነው በአራት መሰረታዊ የትምህርት አይነቶች ውጤት መሠረት አድርጎ እንደሚወሰን መገለጹ ይታወሳል።

የከፍተኛ ትምህርት መግቢያ ነጥቡ የሚቆረጠው በእንግሊዝኛ፣ በሂሳብ፣ የስኮላስቲክስ አፕቲትዩድ፣ ከተፈጥሮ ሳይንስ በፊዚክስ፣ ከማህበራዊ ሳይንስ ደግሞ በጂኦግራፊ የትምህርት ዓይነቶች ነው ተብሏል።

የዘንድሮውን የከፍተኛ ትምህርት መግቢያ በአራት የትምህርት ዓይነቶች ብቻ እንዲወሰን የተደረገው የጋሸበና የተጋነነ የፈተና ውጤት በመታየቱ መሆኑን የትምህርት ሚስቴርና የክልል የትምህርት ቢሮ በጋራ በሰጡት መግለጫ መጥቀሳቸው አይዘነጋም።

በውጤቱ መሠረት ወደ ከፍተኛ ትምህርት የሚመደቡ ተማሪዎች ቀጥታ የሚመደቡና 1ኛ ዓመት የሚሰጡ የፍሬሽማን ኮርሶችን ከተማሩ በኋላ በሚያስመዘግቡት ውጤት መሠረት በሚመርጡት የትምህርት መስክ የሚመደቡ ይሆናል።

በ2011 ዓ.ም የዩንቨርስቲ መግቢያ (የ12ኛ ክፍል) ፈተና ለመውሰድ ከተመዘገቡት 322 ሺህ 717 ተማሪዎች መካከል 319 ሺህ 264 የሚሆኑት ፈተናውን ወስደዋል።

You might also like
Comments
Loading...