Fana: At a Speed of Life!

የኤርትራው ፕሬዚዳንት ኢሳያስ አፈወርቂ ለይፋዊ የስራ ጉብኝት ሱዳንን ገብተዋል

አዲስ አበባ፣መስከረም 3፣2012 (ኤፍ ቢ ሲ) የኤርትራው ፕሬዚዳንት ኢሳያስ አፈወርቂ ለይፋዊ የስራ ጉብኝት የስራ ጉብኝት ሱዳንን ገብተዋል፡፡

ፕሬዚዳንት ኢሳያስ በሱዳን የስራ ጉብኝት የሚያደርጉትም በሉዓላዊ ምክር ቤት መሪ ሌተናል ጀኔራል አብደል ፋታህ አልቡርሃን በቀረበላቸው ግብዣ መሰረት ነው ተብሏል።

በዚህ መሰረትም የኤርትራው ፕሬዚዳንት ኢሳያስ አፈወርቂና ልዑካቸው በዛሬው ዕለት ሱዳን ካርቱም ገብተዋል።

ፕሬዚዳንቱ በሱዳን የሚያደርጉት ይህ የመጀመሪያ ይፋዊ የስራ ጉብኝትም ለሁለት ቀናት የሚቆይ መሆኑ ተመላክቷል።

በቆይታቸውም የሀገራቱን የሁለትዮሽ ግንኙነት ማጠናከር በሚቻልባቸው ጉዳዮች ዙሪያ ከተለያዩ ባለስልጣናት ጋር ይመክራሉ ተብሎ ይጠበቃል።

የሱዳን ሉዓላዊ ምክር ቤት ሃላፊ ሌተናል ጀኔራል አብድል ፋታ አል ቡርሃን በቅርቡ በኤርትራ ይፋዊ የስራ ጉብኝት ማድረጋቸው ይታወሳል።

ምንጭ ፦Sudan News Agency

You might also like
Comments
Loading...