Fana: At a Speed of Life!

የኢሬቻ ኤግዚቢሽንና ባዛር ተከፈተ

አዲስ አበባ፣ መስከረም 19 2012 (ኤፍ.ቢ.ሲ) የኢሬቻ በዓልን ምክንያት በማድረግ የተዘጋጀው ኤግዚቢሽን እና ባዛር በዛሬው እለት በይፋ ተመርቆ ተከፍቷል።

ኤግዚቢሽን እና ባዛሩን የኦሮሚያ ክልል ምክትል ርእሰ መስተዳድር አቶ ሽመልስ አብዲሳ፣ የኢፌዴሪ ባህልና ቱሪዝም ሚኒስትር ዶክተር ሂሩት ካሳው እና የኦሮሚያ ክልል ባህልና ቱሪዝም ቢሮ ሃላፊ አቶ ግርማ ሀይሉን ጨምሮ አባ ገዳዎች እና ሌሎች የመንግስት የስራ ሀላፊዎች በተገኙበት ተከፍቷል።

በዛሬው እለት በአዲስ አበባ ኤግዚቢሽን ማእከል በይፋ የተከፈተው የኢሬቻ ኤግዚቢሽን እና ባዛር ለቀጣይ 10 ቀናት ክፍት ሆኖ የሚቆይ መሆኑም ተነግሯል።

የዘንድሮ የኢሬቻ በዓል በአዲስ አበባ ሆራ ፊንፊኔ እና በቢሾፍቱ ሆራ ሀርሰዴ የፊታችን ቅዳሜ እና እሁድ ማለትም መስከረም 24 እና 25 2012 ዓ.ም እንደሚካሄድ ይታወቃል።

በዓሉን ምክንያት በማድረግም የተለያዩ ዝግጅቶች እየተካሄዱ ሲሆን፥ የኢሬቻ ባህላዊ ኤግዚቢሽን እና ባዛርና የኢሬቻ ታላቁ ሩጫ ከእነዚህ ውስጥ ተጠቃሽ ናቸው።

 

You might also like
Comments
Loading...