Fana: At a Speed of Life!

ቴሂራን ከሪያድ ጋር ወደ ጦርነት ልትገባ እንደምትችል አስጠነቀቀች

አዲስ አበባ፣ መስከረም 8፣ 2012 (ኤፍ.ቢ.ሲ) የኢራን የውጭ ጉዳይ ሚኒስትር ጃቫድ ዛሪፍ ሀገራቸው ከሳኡዲ አረቢያና አሜሪካ ጋር ወደ ጦርነት ሊገቡ እንደሚችሉ አስጠነቀቁ።

የኢራን የውጭ ጉዳይ ሚኒስትር ጃቫድ ዛሪፍ ማንኛውም ከአሜሪካም ይሁን ሳኡዲአረቢያ በኢራን ላይ የሚወሰድ ወታዳረዊ ርምጃ ወደ ጦርነት ሊያስገባ እንደሚችል ማስጠንቀቃቸው ተነግሯል።

ይሁን እንጂ ቴህራን ወደ ጦርነት የመግባትም ሆነ በጦርነት የመሳተፍ ፍላጎት እንደሌላት ነው ለ ሲ ኤን ኤን የተናገሩት።

ይህ ሲባል ግን ቴህራን ሉዓላዊነቷን አታስጠብቅም ማለት እንዳልሆነ ነው የገለጹት።

ከሳኡዲ አረቢያ የነዳጅ ማጣሪያዎች ጥቃት ጉዳይ ጋር በተያያዘ ወደዚያው አቅንተው የነበሩት የአሜሪካው የውጭ ጉዳይ ሚኒስትር ማይክ ፖምፒዮ ሳዑዲአረቢያ ራሷን የመከላከል መብት እንዳላት መግለጻቸውን ዘገባው አስታውሷል።

የቴህራን ጉዳይ ቸል ሊባል እንደማይገባ የገለጹት ማይክ ፖምፒዮ በሳኡዲ አረቢያ ላይ ጥቃት መፈጸሙንም አንስተዋል።

በቅርቡ በሳኡዲ አረቢያ የነዳጅ ማጣሪያዎች ላይ ከተፈጸመው የሰው አልባ አነስተኛ አውሮፕላን ጥቃት ጀርባ የቴህራን እጅ እንዳለበት አሜሪካ  ስትወነጅል ቆይታለች።

ኢራን በበኩሏ ውንጀላውን ውድቅ በማድረግ ከጉዳዩ ጋር በተያያዘ አሜሪካ ለምታደርገው እንቅስቃሴ የበቀል እርምጃ ልትወስድ እንደምችል ማስጠንቀቋን ዘገባው ያስረዳል።

 

 

ምንጭ፡- አልጀዚራ

You might also like
Comments
Loading...