Fana: At a Speed of Life!

የኢራቅ ጸጥታ ሃይሎች ባካሄዱት የጸረ ሽብር ዘመቻ 15 የአይ ኤስ ታጣቂዎች ተገደሉ

አዲስ አበባ፣ ጳጉሜን 5 ፣2011 (ኤፍ ቢ ሲ) የኢራቅ የጸጥታ ሃይሎች በሰሜን ማዕከላዊ ኢራቅ ባካሄዱት የፀረ ሽብር ዘመቻ 15 የሚሆኑ የአይ ኤስ ታጣቂዎች ተገድለዋል።

የኢራቅ ወታደሮች በዛሬው ዕለት በሰሜን ማዕከላዊ ኢራቅ ሳላዲን ግዛት ባካሄዱት የጸረ ሽብር ዘመቻ 15 የአይ ኤስ ታጣቂዎች መገደላቸውን የሀገሪቱ ባለስልጣናት ተናግረዋል።

ከዚህ ባለፈም በተካሄደው ዘመቻ 9 የሚሆኑ የአይ ኤስ ሽብር ቡድን ታጣቂቆች በቁጥጥር ስር መዋላቸው ተነግሯል።

በሽብር ቡድኑ ላይ የተካሄደው ዘመቻ ከእግረኛ ጦር በተጨማሪ በአየር ላይ ጥቃት የታገዘ መሆኑ በዘገባው ተመላክቷል።

ኢራቅ እንደ አውሮፓውያኑ አቆጣጠር 2017 ጀምሮ አይ ኤስ በተሰኘው የሽብር ቡድን ቁጥጥር ስር የነበሩ የተለያዩ ቦታዎችን እያስመለሰች መሆኑን የሀገሪቱ ባለስልጣናት ይነገራሉ።

ባለስልጣኑ ይህንን ይበሉ እንጂ የሽብር ቡድኑ ግን አሁንም በሀገሪቱ የሚገኙ አንባር፣ዲያላ፣ኪርኩክ፣ሳላዲን እና ሞሱል የመሳሰሉ የገጠር አካባቢዎችን በቁጥጥር ስር ማድረጉ ተነግሯል።

ምንጭ ፦አናዶሉ

You might also like
Comments
Loading...