Fana: At a Speed of Life!

የአውሮፖ ህብረት ለኢትዮጵያ ቡና ገበያ የ15 ሚሊየን ዩሮ ድጋፍ አደረገ

አዲስ አበባ፣ ነሃሴ 29፣ 2011 (ኤፍ ቢ ሲ) የአውሮፖ ህብረት የኢትዮጵያ ቡና ገበያ በዓለም አቀፉ ገበያ ተወዳዳሪ እንዲሆን የሚያስችል የ15 ሚሊየን ዩሮ ድጋፍ አድርጓል።
 
ህብረቱ አቋርጦት የነበርውን ድጋፍ እንደ አዲስ የጀመረ መሆኑን የግብርና ሚኒስቴር ሚኒስትር ዴኤታ አቶ ሰኒ ረዲ አስታውቀዋል።
 
አቶ ሰኒ ጉዳዩን አስመልከተው በሰጡት መግለጫ የአውሮፖ ሀገራት የኢትዮጵያን ቡና በብዛት የሚወስዱና ሰፊ ገበያ ያለው መሆኑን አንስተዋል።
 
ድጋፉ የሀገራችን የቡና ገበያ ትልቅ እገዛ የሚያደርግ መሆኑን የገለጹት አቶ ሰኒ፥ የክትትል ስራው ተጠያቂነት ባለው መልኩ የሚከናወን መሆኑን ተናግረዋል።
 
ድጋፉ በቡና ውስጥ ያለውን ችግር ከመቅረፍ ባለፍ የቡናን ምርታማነት እና የተሻለ የቡና ዝርያ ለማስፋፋት እገዛው የጎላ ነው ተብሏል።
 
ድጋፉን ተከትሎም ቡናን በጥሬው ከመላክ ተጨማሪ እሴት ጨምሮ ለመላክ የሚሰራ ሲሆን፥ ይህም በሀገሪቱ ቡና አብቃይ በሆኑ 28 ወረዳዎች ይተገበራል ነው የተባለው።
 
በኢትዮጵያ በቡና ገበያ ዘርፍ በስፋት ለመስራትም በዲላ ዩኒቨርሲቲ እራሱን የቻለ ስርዓተ ትምህርት ተቀርጾ በ2012 ዓ.ም ወደ ተግባር የሚገባ መሆኑ ተመላክቷል።
 
በሲሳይ ጌትነት
You might also like
Comments
Loading...