Fana: At a Speed of Life!

የታገቢኛለሽ ጥያቄ ለማቅረብ ውሃ ውስጥ የገባው ግለሰብ ለህልፈት ተዳርጓል

አዲስ አበባ፣መስከረም 12፣2012 (ኤፍ ቢ ሲ) ለፍቅረኛው የታገቢኛለሽ ጥያቄ ለማቅረብ ውሃ ውስጥ የገባው ግለሰብ ሰጥሞ መመቱ ተነግሯል።

በርካታ ሰዎች ለፍቅረኛቸው የታገቢኛለሽ ጥያቄ ለማቅረብ የተለያዩ ዘዴዎችን ሲጠቀሙ ይስተዋላል።

በተለይም ፍቅረኛቸውን ሊያስገርሙና ሊያስደነግጡ የሚችሉ ለየት ያሉ የታገቢኛለሽ ጥያቄ ማቅረቢያ  መንገዶችን መጠቀም የተለመዱ ሆኗል።

ሰሞኑን ከወደ ታንዛኒያ የተሰማው የታገቢኛለሽ መጠየቂያ መንገድ ግን ለሰው ህይወት መጥፋት ምክንያት መሆኑ ተነግሯል።

ነገሩ እዲህ ነው ስቴቨን ዌበር የተባለ አሜሪካዊ ከፍቅር ጓደኛው ጋር የሽርሽር ጊዜ ለማሳለፍ ታንዛኒያ  ወደ ሚገኝ አንድ ደሴት ያቀናሉ።

ለተወሰኑ ቀናት በዚሁ አካባቢ ሲዝናኑ የቆዩት ጥንዶቹ፥ በሶስተኛው ቀንም ቆይታቸውን ይበልጥ ለማሳመር ወደ ባህር ዳርቻ ያመራሉ።

በዚህ ወቅትም ስቴቨን ዌበር ለፍቅረኛው የጋብቻ ጥያቄ ለማቅረብ የተዘጋጀበትን መንገድ ለማከናወን ውሃ ውስጥ መግባቱ ተነግሯል።

ውሃ ውስጥ እንደገባም የትዳር አጋር ትሆነኛለች ላላት ፍቅረኛው የታገቢኛለሽ ጥያቄ ማቅረብ ይጀምራል።

እንዲህም አለ “ላንቺ ያለኝን ጥልቅ ፍቅር በሙሉ ለመናገር ትንፋሽ ያጥረኛል፤ ሁልጊዜም ባንቺ ደስተኛ  ነኝ ፣አፈቅርሻለሁ”።

በመቀጠልም ዌበር በአስቸጋሪ ሁኔታ ላይ ሆኖ ፍቅረኛውን “ታገቢኛለሽ  ወይ” በማለት የጋብቻ ጥያቄ ማቅረቡ ተገልጿል።

ይሁን እንጂ ለፍቅረኛውን በአስገራሚ ሁኔታ የታገቢኛለሽ ጥያቄ ያቀረበው ዌበር ምላሹን ሳይሰማ  ውሃ ውስጥ ሰጥሞ እስከወዲያኛው ማሸለቡ ነው የተነገረው ።

በሁኔታው ከፍተኛ ድንጋጤ ውስጥ የምትገኘው ፍቅረኛው ዌበር ላቀረባበው ጥያቄ ምላሹን ሳይሠማ ለህልፈት በመዳረጉ እጅግ ማዘኗን ተናግራለች።

 

ምንጭ ፦ www.washingtonexaminer.com

You might also like
Comments
Loading...