Fana: At a Speed of Life!

የተመድ የሰብዓዊ መብቶች ምክር ቤት ኢትዮጵያ ያቀረበችውን ሶስተኛ ዙር ዓለምአቀፋዊ ወቅታዊ ግምገማ በሙሉ ድምፅ አፀደቀ

አዲስ አበባ፣ መስከረም 9፣ 2012 (ኤፍ.ቢ.ሲ) በጄኔቭ (ስዊዘርላንድ) 42ኛ መደበኛ ስብሰባውን እያካሄደ የሚገኘው የተባበሩት መንግስታት ድርጅት የሰብዓዊ መብቶች ምክር ቤት ኢትዮጵያ ያቀረበችውን ሶስተኛ ዙር ዓለምአቀፋዊ ወቅታዊ ግምገማ በሙሉ ድምፅ አፀደቀ::
 
በስብሰባው ከኢ.ፌ.ዴ.ሪ የውጭ ጉዳይ ሚኒስቴር እና ከፌዴራል ጠቅላይ ዐቃቤ ሕግ መስሪያ ቤት የተውጣጣ የልዑካን ቡድን ተሳትፎ አድርጏል::
 
የልዑካን ቡድንም በጠቅላይ ሚኒስትር ዶክተር አብይ አህመድ መሪነት እየተከናወነ የሚገኘውን ማሻሻያ አስመልክቶ በስፋት ማብራሪያ የቀረበ ሲሆን ይህንንም በማስፈፀም ረገድ የዓለም አቀፋ ማህበረሰብ ላደረገው ድጋፍ ምስጋና በማቅረብ ድጋፉን አጠናክሮ እንዲቀጥል ጥሪ አቅርቧል፡፡
 
የምክር ቤቱ አባላት ፣ ታዛቢ ሀገሮች እንዲሁም መንግስታዊ ያልሆኑ ድርጅቶች በሪፖርቱ ይዘት ላይ አስተያየታቸውን የሰጡ ሲሆን በኢትዮጵያ እየተካሄደ ባለው ማሻሻያ ደስታቸውን ገልፀው ለዚህም ተፈፃሚነት ድጋፋቸው እንደሚቀጥል አረጋግጠዋል::
 
ምክር ቤቱ በፈረንጆቹ በ2006 ዓ.ም የሰብዓዊ መብቶች ኮሚሽንን ተክቶ ከተቋቋመ ጊዜ ጀምሮ በዓለም አቀፍ የሰብዓዊ መብቶች አያያዝ ዙርያ ክትትል በማድረግ እና አስፈላጊውን የቴክኒክ እና የአቅም ግንባታ ድጋፍ በማድረግ ላይ የሚገኝ ሲሆን ለአንድ የስራ ዘመን የሶስት ዓመት ቆይታ ያላቸው 47 አገሮችን ያቀፈ ተቋም ነው::
You might also like
Comments
Loading...