Fana: At a Speed of Life!

የቡሌ ሆራ ከተማ ነዋሪው የጥበቃ ሰራተኛ በቶምቦላ ሎተሪ የጭነት መኪና አሸናፊ ሆነ

አዲስ አበባ፣ ነሃሴ 30፣ 2011 (ኤፍ.ቢ.ሲ) ነዋሪነቱ በቡሌ ሆራ ከተማ የሆነውና በጥበቃ ስራ የሚተዳደረው ሃምሳ አለቃ ሰለሞን በላይ የቶምቦላ ሎተሪ 3ኛ ዕጣ የጭነት ተኝከርካሪ አሸናፊ ሆነ።

ሃምሳ አለቃ ሰለሞን በውትድርና ሙያ ለዓመታት ሀገሩን ያገለገለ ሲሆን፥ በተባበሩት መንግስታት ድርጅት የአብየ (ሱዳን) የሰላም ማስከበር አገልግሏል።

በአሁኑ ወቅት ግን በጡረታ ተገልሎ በአንድ የግል ድርጅት ውስጥ በጥበቃ ሙያ እያገለገለ ይገኛል።

ባለትዳርና የአንድ ልጅ አባት የሆነው ሃምሳ አለቃ ሰለሞን በቡሌ ሆራ ከተማ ሃይወንዳይ ገልባጭ መኪና ሽልማቱን ተረክቧል።

ሃምሳ አለቃ ሰለሞን በደረሰው ዕድል በጣም እንደተደሰተና ቤተሰቦቹንና ራሱን ለመቀየር እንደሚሰራበት መናገሩን የብሄራዊ ሎተሪ አስተዳደር አስታውቋል።

You might also like
Comments
Loading...