Fana: At a Speed of Life!

የሳምሰንግ አዲሱ ታጣፊ ስልክ ዛሬ ለገበያ ይቀርባል

አዲስ አበባ፣ ጳጉሜን 1፣ 2011 (ኤፍ.ቢ.ሲ) ሳምሰንግ የመጀመሪያው የሆነውን ታጣፊ ጋላክሲ ዘመናዊ ስልክ በዛሬው ዕለት ለገበያ ያቀርባል።

ኩባንያው በቅርቡ የመጀመሪያ የሆነውን ጣታፊ ጋላክሲ ዘመናዊ ስልክ ማምረቱን አስታውቆ ነበር።

ይሁን እንጅ በምርቱ ላይ ቅሬታዎች መቅረባቸውን ተከትሎ ችግሮችን ለማስተካከል ምርቱ ለገበያ እንዳይቀርብ መዘግየቱ ይታወሳል።

አሁን ላይም በአዲሱ ታጣፊ ስልክ ላይ ተፈጥሮ የነበረው የስክሪን መሰበር ችግር ተፈትሾ መስተካከሉን ኩባንያው አስታውቋል።

በዚህም መሰረት ሳምሰንግ ለመጀመሪያ ጊዜ ያመረታቸውን አዲስ ታጣፊ ዘመናዊ ስልኮች በደቡብ ኮሪያ በዛሬው ዕለት ለገበያ የሚያቀርብ መሆኑ ተገልጿል።

በተመሳሳይ አዲሱ ታጣፊ ስልክ በብሪታንያ የፊታችን መስከረም 18 ቀን ለደንበኞቹ የሚቀርብ ይሆናል።

1 ሺህ 900 ፓውንድ ዋጋ የተቆረጠለት ስልክ በተመረጡ ገበያዎች ብቻ ለተጠቃሚዎች የሚቀርብ መሆኑ ተገልጿል።

የሳምሰንግ ተፎካካሪ ከሆኑት ግንባር ቀደም ኩባንያዎች አንዱ የሆነው ሁዋዌ ከሁለት ወራት በኋላ የራሱን ታጣፊ ስልክ ለማስተዋወቅ ቀነ ቀጠሮ ይዟል።

ሁዋዌ በዓለማችን በርካታ ሞባይሎችን በመሸጥ ከሳምሰንግ ቀጥሎ ሁለተኛ ደረጃን ይዟል።

ምንጭ፦ ቢቢሲ

 

You might also like
Comments
Loading...