Fana: At a Speed of Life!

ዋልያዎቹ በዓለም ዋንጫ ቅድመ ማጣሪያ ጨዋታ ወደ ቀጣዩ ዙር አለፉ

አዲስ አበባ፣ ጳጉሜን 3፣ 2011 (ኤፍ.ቢ.ሲ) የኢትዮጵያ ወንዶች ብሄራዊ ቡድን (ዋልያዎቹ ) በ2022 የኳታሩ የዓለም ዋንጫ ቅድመ ማጣሪያ ጨዋታ ወደ ቀጣዩ ዙር ማለፋቸውን አረጋግጠዋል።

የኢትዮጵያ ወንዶች ብሄራዊ ቡድን (ዋልያዎቹ ) ለ2022 የኳታሩ የዓለም ዋንጫ ቅድመ ማጣሪያ የመልስ ጨዋታ ከሌሴቶ ብሄራዊ ቡድን ጋር ዛሬ በሌሴቶ ሜዳ አድርገዋል።

የኢትዮጵያ ብሄራዊ ቡድን ከሌሴቶ አቻው ጋር ያደረገው ጨዋታ 1ለ1 በሆነ አቻ ውጤት ነው የተጠናቀቀው።

የኢትዮጵያ ብሄራዊ ቡድን ከሌሴቶ አቻው ጋር በባህርዳር አለም አቀፍ ስታድየም ባደረገው ጨዋታ 0ለ0 በሆነ አቻው ውጤት መለያየቱ ይታወሳል።

ይህንን ተከትሎም የኢትዮጵያ ወንዶች ብሄራዊ ቡድን (ዋልያዎቹ ) ከሜዳው ውጪ ባስቆጠረ በሚል የሌሴቶ አቻውን በመርታት በ2022 የኳታሩ የዓለም ዋንጫ ቅድመ ማጣሪያ ጨዋታ ወደ ቀጣዩ ዙር ማለፉን አረጋግጧል።

ይህንን ተከትሎም የኢትዮጵያ ብሄራዊ ቡድን በ2022 የኳታሩ የዓለም ዋንጫ ማጣሪያ ምድብ ድልድል ውስጥ የሚገባ ይሆናል።

You might also like
Comments
Loading...