Fana: At a Speed of Life!

ኢዜማ ፕሮግራሙን ለመቐለ ነዋሪዎች አስተዋወቀ

አዲስ አበባ፣ መስከረም 4፣ 2012 (ኤፍ.ቢ.ሲ) የኢትዮጵያ ዜጎች ለማህበራዊ ፍትህ ፓርቲ (ኢዜማ) የፓርቲውን ፕሮግራም ለመቐለ ከተማ ነዋሪዎች አስተዋወቀ።

የውይይቱን መድረክ የከፈቱት የፓርቲው ምክትል ሊቀመንበር አቶ አንዱዓለም አራጌ ለፓርቲው አመራሮች ለተደረገላቸው አቀባበል የክልሉን መንግስትና የመቐለ ከተማ ነዋሪዎችን አመስግነዋል።

የፓርቲውን ፕሮግራም ያስተዋወቁት አቶ ሀብታሙ ኪታባ በበኩላቸው ኢዜማ በፌዴራላዊ ስርዓት ግንባታ ያልተማከለ የአስተዳደር ስርዓትን በመከተል ያምናል ብለዋል።

ህገ መንግስቱ ከግለሰብ መብት ይልቅ ለቡድን መብት ትኩረት የሚሰጥ በመሆኑ የዜጎችን ነፃነትና ኢኮኖሚያዊ ተጠቃሚነት ለማረጋገጥ ሊሻሻል እንደሚገባው የኢዜማ እምነት መሆኑንም ገልጸዋል።

ፓርቲው በውይይቱ ወቅት ከነዋሪዎቹ ለተነሱ ጥያቄዎች መልስና አስተያየት ሰጥቷል።

 

You might also like
Comments
Loading...