Fana: At a Speed of Life!

አዲሱ የኢትዮጵያ ፕሪሚየር ሊግ ፎርማት ውድቅ ሆነ

አዲስ አበባ፣ መስከረም 13፣ 2012 (ኤፍ.ቢ.ሲ) የኢትዮጵያ እግር ኳስ ፌዴሬሽን የ2012 የኢትዮጵያ ፕሪምየር ሊግ የውድድር ዘመን ያቀረበው የሊግ ፎርማት ውድቅ ተደረገ።

የኢትዮጵያ እግር ኳስ ፌዴሬሽን የ2012 የኢትዮጵያ ፕሪምየር ሊግ 24 ቡድኖች በሁለት ምድብ ከፍሎ እንዲደረግ ውሳኔ አሳልፎ እንደነበረ ይታወሳል።

በዚህም 24 ቡድኖች በሁለት ምድብ ተከፍለው በፕሪሚየር ሊጉ እንዲሳተፉ እና የየምድቦቹ አሸናፊዎች ተፋልመው ዋንጫ የሚፋለሙ እንዲሆን ነበር ፎርማቱን ያቀረበው።

የኢትዮጵያ ስፖርት ኮሚሽን እግር ኳስ በዛሬው እለት ፌዴሬሽኑ በ2012 የኢትዮጵያ ፕሪምየር ሊግ ተግባራዊ እንዲሆን ያረቀቀውን አዲስ የሊግ ፎርማት ላይ ከክልል እና ከከተማ አስተዳደር ስፖርት ፌዴሬሽኖች ጋር ምክክር አካሂዷል።

ኮሚሽኑ ከክልል እና ከከተማ አስተዳደር ስፖርት ፌዴሬሽኖች ጋር ምክክር ካካሄደ በኋላ ፌዴሬሽኑ ያቀረበውን አዲስ የሊግ ፎርማት ውድቅ እንዲሆን ወስኗል።

የሊግ ፎርማቱ ውድቅ እንዲሆን ካደረጉ ምክንያቶች ውስጥ አዲሱ አሠራር ጥናት አልተካሂደበትም የሚልው አንዱ ነው።

ከዚህ በተጨማሪም ክለቦች እርስ በእርስ አለመገናኘታቸው ሕዝብን ከሕዝብ የሚለያይ ነው ብሏል ኮሚሽኑ።

ክለቦች እና ፌዴሬሽኑ ተመካክረው አዲስ የሊግ አሠራር እንዲያቋቁሙ የኢትዮጵያ ስፖርት ኮሚሽን ውሳኔ አሳልፏል።

You might also like
Comments
Loading...