Fana: At a Speed of Life!

አየር መንገዱ ወደ አሜሪካዋ ሒውስተን ቴክሳስ በሳምንት የ3 ቀን በረራ ሊጀምር ነው

አዲስ አበባ፣ መስከረም 1፣ 2012 (ኤፍ.ቢ.ሲ) የኢትዮጵያ አየር መንገድ ወደ አሜሪካዋ ሒውስተን ቴክሳስ በሳምንት የሶስት ቀን በረራ ሊጀምር መሆኑን አስታወቀ።

አየር መንገዱ እንዳስታወቀው ወደ አሜሪካዋ ሒውስተን ቴክሳስ በሳምንት የሶስት ቀን በረራ ማድረግ ለመጀመር ዝግጅቱን አጠናቋል።

የኢትዮጵያ አየር መንገድ ወደ አሜሪካዋ ሒውስተን የሚያደርገውን በረራም ከፊታችን ታህሳስ 6 2012 ጀምሮ ማድረግ እንደሚጀምርም አስታውቋል።

ሒውስተን ከሰሜን አሜሪካ ግዛቶች በሕዝብ ብዛት አራተኛዋ ከተማ ስትሆን የናሳ ሕዋ ምርምር ማዕከል መቆጣጠሪያ ጣቢያም መገኛ ናት።

የኢትዮጵያ አየር መንገድ ከዚህ ቀደም የአሜሪካዋ ዋሽንግተን ዲሲን ጨምሮ ወደ ኒውዮርክ፣ ሎስ አንጀልስ እና ቺካኮ በረራዎችን እንደሚያደርግ ይታወቃል።

አየር መንገዱ በአሁኑ ወቅት ከ120 በላይ መዳረሻዎች ያሉት ሲሆን፥ እነዚህም ከ100 በላይ ዓለም አቀፍ እና 21 የሀገር ውስጥ መዳረሻዎች መሆናቸውን መረጃ ያመለክታል።

You might also like
Comments
Loading...