Fana: At a Speed of Life!

አንድ ሲኒ ቡና በ900 ዶላር የሚጠጣበት የጃፓኑ ቡና መሸጫ

አዲስ አበባ፣ መስከረም 14፣ 2012 (ኤፍ.ቢ.ሲ) በጃፓን ኦሳካ የሚገኘው ሙንች ቡና መሸጫ በዓለማችን ላይ ካሉ ውድ የቡና መሸጫ አንዱ እንደሆነ ይነገራል።

ይህ ለምን ሆነ ካላችሁ ደግሞ የቡና መሸጫው ከ22 ዓመት በፊት ያዘጋጀውን ቡና ለደንበኞቹ በመሸጡ እንደሆነ ተነግሯል።

ታዲያ ከ22 ዓመት በፊት የተዘጋጀችውን ቡና ልጠጣ ያለው ሰው ለአንድ ሲኒ ቡና 914 የአሜሪካ ዶላር መክፈል ይጠበቅበታል ነው የተባለው።

የቡና መሸጫው ውድ የሆነውን ቡናውን መሸጥ የጀመረው ራሱ በሰራው ስህተት ነው፤ ይህ የሆነውም የቡና መሸጫው ባለቤት ቡና ካዘጋጀው በኋላ ማቀዝቀዣ ውስጥ ለስድስት ወር ገደማ ይረሳዋል።

ታዲያ አንድ ቀን የተረሳውን ቡና ያገኘው የቡና መሸጫው ባለቤት፤ ይህንን ለደንበኞች ከማቅረብ ይልቅ መድፋትን ይመርጣል፤ ሆኖም ግን ከመጣሉ በፊት ቡናውን ይቀምሳል።

ለ6 ወር የቆየ ቡና ይህን አይነት ጣእም ካለው ለምን ለረጅም ዓመት አቆይቼ አልሞክርም በሚልም ከእንጨት በተሰራ በርሜል ውስጥ ቡና በማድረግ ለ10 ዓመታት እንዲቆይ አድርጎ ጣእሙን ሲቀምስ አሁንም እጅግ በጣም የተለየ ጣእም ሆኖ እንዳገኘው አስታውቋል።

በዚህም ለ20 ዓመት የቆየ ጥሬ ቡናን በመቁላት ከፈጨ በኋላየእንጨት በርሜሉ ውስጥ በማዋሃድ በራሱ በሆነ ዘዴ አዘጋጅቶ መሸጥን እንደጀመረ ይናገራል።

ምንጭ፦ odditycentral.com

You might also like
Comments
Loading...