Fana: At a Speed of Life!

አትሌት ታምሩ ደምሴ ወደ ሀገሩ ተመለሰ

አዲስ አበባ፣ መስከረም 10፣ 2012 (ኤፍ.ቢ.ሲ) በፓራኦሎምፒክ ኢትዮጵያን ወክሎ በሪዮ 2016 ኦሎምፒክ ተሳትፎ የነበረው አትሌት ታምሩ ደምሴ ትናንት ምሽት ወደ ሀገሩ ተመለሰ።

ከአትሌት ታምሩ ደምሴ ጋርም ሌላኛው ኢትዮጵያዊ አትሌት መገርሳ ታሲሳ ትናንት ምሽት ወደ ሀገሩ ተመልሷል።

አትሌቶቹ አዲስ አበባ ቦሌ ዓለም አቀፍ አውሮፕላን ማረፊያ ሲደርሱም አትሌት ፈይሳ ሌሊሳን ጨምሮ ሌሎች የስፖርቱ ቤተሰቦች እና የአትሌቶቹ ቤተሰቦች አቀባበል አድርገውላቸዋል።

አትሌት ታምሩ ደምሴ እና አትሌት መገርሳ ታሲሳ በአውሮፓውያኑ 2016 በብራዚል በተካሄደው የሪዮ ፓራኦሎምፒክ ኢትዮጵያን ወክለው ተሳትፈዋል።

አትሌት ታምሩ ደምሴ በሪዮ ኦሎምፖክ ከፊል ማየት በተሳናቸው የ1500 ሜትር ውድድር ሁለተኛ ደረጃን ይዞ በማጠናቀቅም ለሀገሩ የብር ሜዳሊያን አስገኝቶ እንደበረ ይታወሳል።

ከውድድሩ በኋላም አትሌቶቹ ወደ ሀገራቸው ሳይመለሱ በሄደበት ሪዪ ዴጄኔሮ ጥገኝነትን የጠየቀው እዛው መቆየታቸውም ይታወሳል።

You might also like
Comments
Loading...