Fana: At a Speed of Life!

አሜሪካ ጦሯን ወደ ሳዑዲ አረቢያ ልትልክ ነው

አዲስ አበባ፣ መስከረም 10፣ 2012 (ኤፍ.ቢ.ሲ) አሜሪካ በሳዑዲ አረቢያ የነዳጅ መሰረተ ልማት ላይ ጥቃት መፈፀሙን ተከትሎ ጦሯን ወደ ስፍራው ልትልክ መሆኑን አስታውቃለች።

የአሜሪካ መከላከያ ሚኒስትር ማርክ ኢስፐር ለጋዜጠኞች በሰጡት መግለጫ የአሜሪካ ወታደሮች ወደ ሳዑዲ እንደሚያመሩ ያስታወቁ ሲሆን፥ ምን ያክል ጦር ወደ ስፍራው ይጓዛል የሚለው ግን እንዳልተወሰነ አስታውቀዋል።

ጦሩ ወደ ስፍራው የሚያቀናው የሳዑዲ አረቢያ እና የተባበሩት አረብ ኢሚሬቶች ያቀረቡትን ጥያቄ ተከትሎ እንደሆነም ሚኒስትሩ ገልፀዋል።

የአሜሪካ ጦር በስፍራው በሚኖረው ቆይታም የሀገራቱን የአየር ሀይል እና የሚሳኤል መከላከያዎች ማጠናከር ላይ እንደሚሰራ ገልፀው፤ አሜሪካ ለሁለቱም ሀገራት የጦር መሳሪያዎችን እንደምታረቅብም አስታውቀዋል።

በኢራን ላይ ወታደራዊ እርምጃ ሊወሰድ ይችል ይሆን በሚል ለቀረበላቸው ጥያቄም መከላከያ ሚኒስትሩ ማርክ ኢስፐር በሰጡት ምላሽ፥ በአሁኑ ሰዓት አስፈላጊ የሆነበት ጊዜ ላይ አይደለንም ብለው መልሰዋል።

በየመን ውስጥ የሚንቀሳቀሰው እና በኢራን እንደሚደገፍ የሚነገረው የሀውቲ አማጽያን ቡድን ባሳለፍነው ሳምንት በሳዑዲ አረቢያ የነዳጅ ማጣሪያ ላይ ለተፈፀመው ጥቃት ሀላፊነት መውሰዱ ይታወቃል።

ሆኖም ግን አሜሪካ እና ሳዑዲ አረቢያ በነዳጅ ማጣሪያው ላይ ለደረሰው ጥቃት ሙሉ በሙሉ ኢራንን ተጠያቂ ማድረጋቸው ይታወሳል።

ምንጭ፦ www.bbc.com

You might also like
Comments
Loading...