Fana: At a Speed of Life!

ኒኮላስ ማዱሮ ከፑቲን ጋር ለመምከር ሩሲያ ገብተዋል

አዲስ አበባ ፣ መስከረም 14 ፣ 2012 (ኤፍ ቢ ሲ) የቬኒዝዌላው ፕሬዚዳንት ኒኮላስ ማዱሮ ከሩሲያው አቻቸው ቭላድሜር ፑቲን ጋር ለመወያየት ሞስኮ አቅንተዋል።

ሁለቱ መሪዎች በኒውዮርክ እየተካሄደ ያለውን የተመድ ጠቅላላ ጉባኤ ወደ ጎን በመተው በሞስኮ የሁለትዮሽ ውይይት ያደርጋሉ።

በውይይቱ ወቅት የሚደረስ ስምምነት ባይኖርም በጋራ በሚከወኑ ፕሮጀክቶች አተገባበር ዙሪያ ምክክር እንደሚደረግ የክሬሚሊን ቃል አቀባይ ዲሚትሪ ፔስኮቭ ተናግረዋል።

ከመሪዎቹ የፊት ለፊት ውይይት ቀደም ብሎ በከፍተኛ ባለስልጣናት ደረጃ የሁለትዮሽ ውይይት ይደረጋልም ነው የተባለው።

ፕሬዚዳንት ማዱሮ በሩሲያ ቆይታቸው ከሩሲያ የቢዝነስ ልዑካን ጋር እመክራለሁ ብለዋል።

ፕሬዚዳንት ቭላድሜር ፑቲን ለማዱሮ አስተዳደር ድጋፍ እንዳላቸው ገልጸዋል።

ፑቲን ከድጋፉ ባሻገር ግን ማዱሮ ከተቀናቃኛቸው ጋር የሁለትዮሽ ውይይት ሊያደርጉ እንደሚገባም ጠቁመዋል።

ሩሲያ የማዱሮ አስተዳደር ዋነኛ ደጋፊ ስትሆን፥ ከብድር ጀምሮ ወታደራዊ ድጋፍ በማድረግም አጋርነቷን እያሳየች ነው።

 

 

ምንጭ፦ አልጀዚራ

You might also like
Comments
Loading...