Fana: At a Speed of Life!

ቻይና ባለ 500 ሜጋ ፒክስል ካሜራ ሰራች

አዲስ አበባ፣ መስከረም 14፣ 2012 (ኤፍ.ቢ.ሲ) ቻይና ለደህንነት ስራዎች የሚያገለግል ከፍተኛ የምስል ጥራት ያለው ባለ 500 ሜጋ ፒክስል ካሜራ መስራቷ ተሰምቷል።

በቻይና ተመራማሪዎች የተሰራው አዲሱ ባለ 500 ሜጋ ፒክስል ካሜራ በሺህዎች የሚቆጠሩ ሰዎች በተሰበሰቡበት እንደ ስታዲየም ያሉ ስፍራዎች ላይ የእያንዳንዱን ሰው የፊት ገፅታ ጥርት አድርጎ ምስል የሚወስድ መሆኑ ተነግሯል።

በአንድ ስፍራ ላይ ከሰተሰበሱ በሺህ የሚቆጠሩ ሰዎች መካከልም ተፈላጊ የሆኑ ግለሰቦችን ፊት ጥርት አድርጎ የማሳየት አቅም አለውም ተብሏል ካሜራው።

ካሜራውን መቀመጫውን ሻንጋይ ያደረገ የፉዳን ዩኒቨርሲቲ እና የቻንጉን የመነጽር ተቋም በጋራ መስራታቸው ተነግሯል።

ካሜራውን የሰራው የተመራማሪዎች ቡድን ካሜራው ፎቶ ከማንሳት እና የሰዎችን ፊት ከመለየት በተጨማሪም ቪዲዮ እንዲቀርጽ አድርገው መስራታቸው ነው የተነገረው።

ምንጭ፦ fossbytes.com

You might also like
Comments
Loading...