Fana: At a Speed of Life!

ቻይና በዋልታዎች ዙሪያ ያለውን የአየር ንብረት ሁኔታ የሚቃኝ ሳተላይት ልታመጥቅ ነው

አዲስ አበባ፣ነሃሴ 27፣2011 (ኤፍ ቢ ሲ) ቻይና በዋልታዎች ላይ ያለውን የአየር ንብረት ሁኔታ የሚቃኝ ሳተላይት ወደ ህዋ ልትልክ መሆኑን አስታውቃለች።

ቤጂንግ የፊታችን መስከረም ወር ላይ በሰሜንና ደቡብ ዋልታ ንፍቀ ክብብ ያለውን የአየር ንብረት ሁኔታ ቅኝት የሚያደርግ ሳተላይት ወደ ህዋ ልትልክ መሆኑን የሀገሪቱ ሳይንስ አካዳሚ ገልጿል።

ሳተላይቱ 10 ኪሎ ግራም ክብደት ያለው ሲሆን፥ ከፍተኛ የጥራት ደረጃ ያለው ካሜራ የተገጠመለት መሆኑም ተነግሯል።

“አይስ ፓዝ ፋይንደር” የሚል ስያሜ የተሰጠው ይህ ሳተላይት በዋልታዎች ውስጥ የአምስት ቀናት ቆይታ  ይኖረዋል ተብሏል።

በቆይታውም  በአንታርክቲክ እና አርክቲክ አካባቢ ያለውን የአየር ንብረት እና ከባቢያዊ ሁኔታ ቅኝት በማድረግ መረጃ የሚያቀብል መሆኑ ነው የተገለጸው።

በዚህም በአካባቢው ባለው የበረዶ ግግር እና ሌሎች ተያያዥ ጉዳዮች ዙሪያ  ጠቃሚ መረጃዎችን በመሰብሰብ ወደ ማዕከሉ የሚልክ ይሆናል።

ከሳተላይቷ የሚገኘው መረጃም በአሁኑ ወቅት ያለውን የአየር ንብረት ለውጥ ለማጥናት የሚያስችል መሆኑን ተመራማሪዎች ተናግረዋል።

ከዚህ ባለፈም ቻይና  በአንታርክቲክ እና አርክቲክ ንፍቀ ክበብ ከባቢ ዙሪያ የሚኖራትን መረጃ የለማሳደግ የሚያስችል  መሆኑ በዘገባው ተመላክቷል።

ምንጭ፦ ሽንዋ

You might also like
Comments
Loading...