Fana: At a Speed of Life!

ታላቁ የኢትዮጵያ ሩጫ “በቤስት ራኒንግ ኢቨንትስ” የውድድር መስፈርት በ1ኛ ደረጃ እየመራ ነው

የኢትዮጵያ ታላቁ ሩጫ ኦፕሬሽን ማናጀር አቶ ዳግም ተሾመ ለፋና ብሮድ ካስቲንግ ኮርፖሬት እንደገለጹት ታላቁ የኢትዮጵያ ሩጫ “በቤስት ራኒንግ ኢቨንትስ” የውድድር መስፈርት በ1ኛ ደረጃ እየመራ ነው፡፡

ቤስት ራኒንግ ኢቨንትስ ድረ ገጽ በራሱ መስፈርት 20 የጎዳና ላይ ሩጫ ውድድሮችን በየዓመቱ ያወዳድራል፡፡

በውድድሩ የተሻሉ ናቸው ተብለው በተመረጡ ውድድሮች ዓለም አቀፉ ማህበረሰብም እንዲሳተፍ ይጋብዛል ነው ያሉት፡፡

በዚህም ባለፉት 20 ቀናት የኢትዮጵያ ታላቁ ሩጫ የተካተተበትን ውድድር እያካሄደ ይገኛል፡፡

ውድድሩ ነገ እኩለ ሌሊት የሚጠናቀቅ ሲሆን÷ የኢትዮጵያ ታላቁ ሩጫ በ35 በመቶ እየመራ ይገኛል፡፡

2ኛ እና 3ኛ ተወዳዳሪዎችም በ31 እና 18 በመቶ ድምትጽ እየተከተሉ ይገኛል፡፡

ድምጽ ሰጪዎችም www.letsdothis.com ድምፃቸውን እየሰጡ ይገኛል ነው ያሉት፡፡

ኢትዮጵያዊያንም በዚህ ደረ ገጽ ውድድሩ ከመጠናቀቁ በፈት ድምፃቸውን እንዲሰጡ መልክታቸውን አስተላልፈዋል፡፡

19ኛው ታላቁ የኢትዮጵያ  ሩጫ በህዳር ወር፣ 2012 በአዲስ አበባ ይካሄዳል፡፡

45 ሺህ ሰዎች ይሳተፉበታል ተብሎ የሚጠበቀው የዚህ ውድድር የተሳታፊዎቹ ምዝገባ ባሳለፍነው ሰኔ ወር መጠናቀቁን አቶ ዳግም ተሾመ አስታውሰዋል፡፡

በውድድሩ በእያመቱ ርዳታ እንደሚሰባሰብ በመግለጽ በዚህ ዓመትም በዋግኽምራ ዞን አንድ ትምህርት ቤት ለማስገምባት ርዳታ እንደሚሰባሰብ ነው የተናገሩት፡፡

You might also like
Comments
Loading...