Fana: At a Speed of Life!

ታሊባን ለሰላም ድርድር በሩ ክፍት መሆኑን አስታወቀ  

አዲስ አበባ ፣ መስከረም 7 ፣ 2012 (ኤፍ ቢ ሲ) ታሊባን ለሰላም ድርድር በሩ ክፍት መሆኑን አስታወቀ።

የታሊባን ከፍተኛ ተደራዳሪ ሼር ሞሃመድ አባስ ስታኒክዛይ፥ በአፍጋኒስታን ሰላም ለማስፈን ድርድር ብቸኛው መፍትሄ መሆኑን ተናግረዋል።

ዋና ተደራዳሪው ታሊባን የአሜሪካው ፕሬዚዳንት ትራምፕ ድርድሩን መጀመር ከፈለጉ ለሰላም ድርድር በሩ ክፍት ነው ብለዋል።

በእኛ በኩል ዝግጁ ነን ያሉት ተደራዳሪው፥ ሌሎች አካላትም ከድርድሩ ጋር ተያይዞ ውሳኔያቸውን እንደሚያጤኑት እምነታቸው መሆኑን ገልጸዋል።

ከሳምንት በፊት የአሜሪካው ፕሬዚዳንት ከታሊባን ጋር የሚደረገው የሰላም ድርድር አብቅቶለታል ማለታቸው ይታወሳል።

በወቅቱ የታሊባን መሪዎችን እና የአፍጋኒስታኑን ፕሬዚዳንት አሽረፍ ጋኒን በካምፕ ዴቪድ ለማወያየት ቀጠሮ ይዘው ነበር።

ይሁን እንጅ ከውይይቱ ሁለት ቀን ቀደም ብሎ በካቡል በተፈጸመ ጥቃት አንድ የአሜሪካ ወታደርን ጨምሮ 11 ሰዎች መሞታቸውን ተከትሎ ድርድሩ ተሰርዟል።

የአሜሪካው የውጭ ጉዳይ ሚኒስትር ማይክ ፖምፒዮ በበኩላቸው በትናንትናው እለት፥ ቡድኑ እያደረሰ ያለውን ጥቃት አውግዘው ለሰላም ድርድሩ ተገዥ ሊሆን እንደሚገባው ጠቅሰዋል።

ቡድኑ ይህን ይበል እንጅ ትናንት በምርጫ ቅስቀሳ ላይ በፈጸመው ጥቃት በርካቶች ለህልፈት ተዳርገዋል።

ታጣቂው ታሊባን አሜሪካ በአፍጋን ያሰፈረቻቸውን ወታደሮች ሙሉ በሙሉ እንድታስወጣና በአፍጋኒስታን የውጭ ሃገር ወታደሮች እንዳይሰፍሩ ፍላጎት እንዳለው ይነገራል።

 

 

ምንጭ፦ ቢቢሲ

 

You might also like
Comments
Loading...