Fana: At a Speed of Life!

ተማሪዎች ፈተና እንዳይኮራረጁ ለማድረግ ራሳቸውን በካርቶን እንዲከልሉ ያደረገው መምህር አነጋጋሪ ሆኗል

አዲስ አበባ፣ ነሃሴ 27፣2011 (ኤፍ.ቢ.ሲ) ተማሪዎች ፈተና እንዳይኮራረጁ ለማድረግ ራሳቸው ላይ የካርቶን ሳጥን እንዲያጠልቁ ያደረገው አስተማሪ ብዙዎቹን አስገርሟል።

እንደሚታወቀው አንድ መምህር በክፍል ውስጥ የሚፈትናቸውን ተማሪዎች እንዳይኮራረጁ ለማድረግ አቀማመጣቸውን ከማስተካከል ጀምሮ የተለያዩ መንገዶችን ሊጠቀም ይችላል።

ሜክሲኳዊው መምህር ግን ተማሪዎች በፈተና ወቅት እንዳይኮራረጁ ለማድረግ ተማሪዎች ላይ የወሰደው እርምጃ ከዚህ የተለየ መሆኑ ነው የተሰማው።

መምህሩ የሚፈትናቸው ተማሪዎች ፈተና እንዳይኮራረጁ ለማድረግ እያናዳንዱ ተፈታኝ እራሱ ላይ የካርቶን ሳጥን እንዲያጠልቅ አድርጓል።

ድርጊቱ በማህበራዊ ሚዲያዎች መለቀቁን ተከትሎም ብዙዎች መምህሩ የተማሪዎችን መሰረታዊ ሰብዓሚ መብት በመጣስ ያከናወነው ተግባር ተገቢ አለመሆኑን ተናግረዋል።

የተማሪ ወላጆች በበኩላቸው የአስተማሪውን ድርጊት በማውገዝ ጉዳዩን ወደ ህግ የሚወስዱት መሆኑን አስታውቀዋል።

በሌላ በኩል መምህሩ ተማሪዎች ፈተና እንዳይኮራረጁ ለማድረግ የተጠቀመበትም መንገድ ያደነቁ ሰዎችም አልታጡም።

እንደ እነዚህ ሰዎች ገለፃ ድርጊቱ ተማሪዎችን የሚጎዳ አንዳች ነገር የለውም፤ ይልቁንስ ወላጆች ተማሪዎች የሚያጠኑበትን መንገድ እንዲፈትሹ ፍንጭ የሚሰጥ ነው ባይ ናቸው።

ምንጭ፦ ኦዲቲ ሴንትራል

You might also like
Comments
Loading...