Fana: At a Speed of Life!

ቦሪስ ጆንሰን ብሪታንያ ከህብረቱ የምትወጣበትን ጊዜ የማራዘሙን ሂደት ለማስቆም ጥያቄ ሊያቀርቡ ነው

አዲስ አበባ ፣ ጳጉሜን 4 ፣ 2011 (ኤፍ ቢ ሲ) የብሪታንያው ጠቅላይ ሚኒስትር ቦሪስ ጆንሰን ብሪታንያ ከህብረቱ የምትወጣበትን ጊዜ የማራዘሙን ሂደት ሊያስቆሙ መሆኑ ተሰማ።

ጠቅላይ ሚኒስትሩ የብሪታንያን እና የህብረቱን ፍቺ ለማራዘም የሚደረጉ እንቅስቃሴዎችን በይፋ ለማስቆም ማሰባቸውን ደይሊ ቴሌግራፍ አስነብቧል።

ከዚህ ጋር በተያያዘም የጠቅላይ ሚኒስትሩ አማካሪ የሃገሪቱ ፓርላማ ፍቺውን ለማራዘም የሚያደርገውን ጥረት ማስቆም በሚቻልበት አግባብ ላይ መክረዋል ነው የተባለው።

በጠቅላይ ሚኒስትሩ ታስቧል የተባለው የማስቆም እቅድ የፓርላማ አባላቱ ጥያቄ ውድቅ እንዲሆን እና ብሪታንያ የፍቺዋን ጊዜ ማራዘም አልያም ከህብረቱ የመነጠል መብት የሚሰጣትን አንቀጽ 50ን ትጠቀም ዘንድ የሚጠይቅ ደብዳቤ ይኖረዋልም ነው የተባለው።

ጠቅላይ ሚኒስትሩ ሂደቱን ለማስቆም ከመወሰናቸው ባለፈ ግን በጉዳዩ ላይ ዝርዝር መረጃ አልወጣም።

የብሪታንያ ፓርላማ አባላት ብሪታንያ ከህብረቱ ያለ ምንም ስምምነት የምትነጠል ከሆነ የፍቺ ጊዜው ለተጨማሪ ሶስት ወራት እንዲራዘም የመጠየቅ እቅድ አላቸው።

የፓርላማ አባላቱ በዛሬው እለት ቦሪስ ጆንሰን ከታሰበው ጊዜ ቀደም ብሎ እንዲካሄድ ባሰቡት ጠቅላላ ምርጫ ላይ ለሁለተኛ ጊዜ ድምጽ ይሰጣሉ።

ባለፈው ሳምንት በሰጡት ድምጽ የጆንሰንን እቅድ በድምጽ ብልጫ ውድቅ ማድረጋቸው ይታወሳል።

 

 

ምንጭ፦ ሬውተርስ እና ቢቢሲ

You might also like
Comments
Loading...