Fana: At a Speed of Life!

ብሄራዊ የኩራት ቀን በመስቀል አደባባይ ተከበረ

አዲስ አበባ ፣ ጳጉሜን 3 ፣ 2011 (ኤፍ ቢ ሲ) ብሄራዊ የኩራት ቀን በተለያዩ  ትእይንቶች በአዲስ አበባ መስቀል አደባባይ ተከበረ።

በበዓሉ ላይ የአዲስ አበባ ምክትል ከንቲባ ኢንጂነር ታከለ ኡማን ጨምሮ በርካታ የከተማዋ ነዋሪዎች ተገኝተዋል።

በስነ ስርዓቱ ላይ ንግግር ያደረጉት ኢንጂነር ታከለ ኡማ፥ ኢትዮጵያ ለብዙ ዓመታት ያቆያት የህዝቦቿ አንድነት መሆኑን በመጥቀስ፥ የአገሪቱ ብሄራዊ ኩራትም ይኸው የህዝቦቿ አንድነት ነው ብለዋል።

የምንኮራባቸው እልፍ እዕላፋ ነገሮች አሉን ያሉት ኢንጂነር ታከለ ኡማ፥ አባቶቻችን እክሱምን እና ፋሲለደስን ገነቡ የገዳ ስርዓትን ዘረጉ ብለዋል።

ባሳለፍናቸው አመታት ባሸነፍናቸው በርካታ ፈተናዎች በተለይም አድዋን በመሰሉ ድሎች አባቶችና እናቶች የዛሬይቱን ኢትዮጵያ እንዳስረከቡ ነው በንግግራቸው ያነሱት።

አዲስ አበባ የሁሉም ብሄር ብሄረሰብ መኖሪያ፤ የሁሉም ባህል መገለጫ እምብርት ዋና ከተማ እንደመሆኗ የዛሬውን ብሄራዊ የኩራት ቀን በድምቀት በዚህ መልኩ ነዋሪዎቿ በማክረባቸው ክብር እንደሚገባቸው ተናግረዋል።

የመከላከያ እና የፖሊስ ሰራዊት አባላት በወታደራዊ ሰልፍ እንደዚሁም ስፖርተኞችን ጨምሮ የተለያዩ የህብረተሰብ ክፍሎች ደግሞ የሀገሪቱን እና ህዝቦቿን ኩራት የሚያንፀባርቁ ትእይንቶችን አቅረበዋል።

You might also like
Comments
Loading...