Fana: At a Speed of Life!

በጅማ ከተማ በደረሰ የእሳት ቃጠሎ አደጋ የ11 ሚሊየን ብር ንብረት ወደመ

አዲስ አበባ፣ መስከረም 1፣ 2012 (ኤፍ ቢ ሲ) በጅማ ከተማ ትናንት ማታ በደረሰ የእሳት ቃጠሎ አደጋ ግምቱ 11 ሚሊየን ብር የሚሆን ንብረት መውደሙን ፖሊስ አስታወቀ።

የጅማ ከተማ ፖሊስ መምሪያ አዛዠ ኮማንደር አብዱራዛቅ ነጋ እንደገለጹት አደጋው በትናንትናው እለት ከምሽቱ 2፡00 ሰዓት ላይ የተከሰተው በከተማው “መርካቶ” እየተባለ በሚጠራው አካባቢ ነው።

በአደጋውም ግምቱ 11ሚሊየን ብር የሆነ ንብረት መውደሙን ኮማንደር አብዱራዛቅ ተናግረዋል።

ኮማንደር አብዱራዛቅ እንዳሉት በአደጋው 12 ሼድ ኮንቴነር የንግድ ሱቆች በውስጣቸው ከያዟቸው ንብረቶች ር ሙሉ በሙሉ ወድመዋል።

የጅማ ከተማ እና የአየር መንገድ የድንገተኛና የእሳት መከላከያ ተሽከርካሪዎች ከህብረተሰቡና ከጸጥታ አካላት ጋር ሆነው ባደረጉት ርብርብ እሳቱ ሳይስፋፋ መቆጣጠር እንደተቻለም አንስተዋል።

የአደጋውን መንስኤ ፖሊስ በማጣራት ላይ መሆኑን ኮማንደሩ አክለው መግለጻቸውን ኢዜአ ዘግቧል

You might also like
Comments
Loading...