Fana: At a Speed of Life!

በጃፓን ዝናብ የቀላቀለ ከባድ አውሎ ነፋስ 900 ሺህ መኖሪያ ቤቶችን ከኤሌክትሪክ አገልግሎት ውጭ አደረገ

አዲስ አበባ፣ ጳጉሜን 4፣ 2011 (ኤፍ.ቢ.ሲ) በጃፓን ዝናብ የቀላቀለ ከባድ ነፋስ 900 ሺህ መኖሪያ ቤቶችን ከኤልክትሪክ አገልግሎት ውጭ አደረገ።

በጃፓን ቶክዮ አቅራቢያ በደረሰው በዚህ አደጋ 130 ያህል የአውሮፕላን በረራዎች ሲሰረዙ የባቡር መስመሮችም ለሰዓታት ተዘግተው እንደነበረ ተነግሯል።

እንድሜያቸው በሃምሳዎቹ የሚገኝ አንድ ሴት ህይወት ማለፉንም የሀገሪቱ መገናኛ ብዙሃን ዘግበዋል።

የአካባቢው ነዋሪዎች ከቤታቸው እንዳይወጡ መልዕክት መተላለፉም ነው የተነገረው።

በላፉት አስር ዓመታት በአካባቢው ከተከሰቱ ተመሳሳይ ክስተቶች ይህ ከባዱ ነው ተብሏል።

አውሎ ነፋሱ በሰዓት 210 ኪሎ ሜትር ርቀት ይጓዝ እንደነበረም ተገልጿል።

አደጋው የደረሰው ጃፓን የዓለም ራግቢ ዋንጫ ለማስናገድ ዝግጅቷን ባጠናቀቀችበት ወቅት መሆኑንም ነው ዘገባው የሚያመላክተው።

የአውስትራሊያው ቡድን በአደጋው በረራውን ማራዘሙ የተገለጸ ሲሆን፥ የፈረንሳይ ቡድን ግን ጃፓን እንደገባ ነው የተነገረው።

ውድድሩን ለመመልከት 400 ሺህ ያህል ሰዎች ከተለያዩ አካባቢዎች ወደዚያው ያመራሉ ተብሎ ይጠበቅ እንደነበርም ዘገባው ያስረዳል።

ምንጭ ፡- ቢቢሲ

You might also like
Comments
Loading...