Fana: At a Speed of Life!

በደቡብ ምስራቅ ቱርክ በተከሰተ ፍንዳታ የሰባት ሰዎች ሕይወት አለፈ

አዲስ አበባ፣ መስከረም 2፣ 2012 (ኤፍ.ቢ.ሲ) በደቡብ ምስራቅ ቱርክ በተከሰተ ፍንዳታ የሰባት ሰዎች ሕይወት አለፈ፡፡

ህይወታቸው ካለፈው ሰባት ሰዎች በተጨማሪ ሌሎች 10 ሰዎች መቁሰላቸውም ተነግሯል፡፡

ተሳፋሪዎችን ጭኖ ሲጓዝ የነበረ ተሽከርካሪ መንገድ ላይ በተጠመደ ፈንጅ ላይ በመውጣቱ አደጋው መከሰቱን የአካባቢው በለስልጣናት አስታውቀዋል፡፡

የመንገድ ላይ ቦምቡ በኩርድ ሰራተኞች ፓርቲ (ፒኬኬ) ታጣቂዎች እንደተቀበረ ባለስልጣናቱ እምነታቸውን ገልጸዋል፡፡

አደጋው በትናንትናውዕለት በደቡብ ምስራቅ ቱርክ ዲያርባኪር ግዛት ኩልፕ በተባለው አካባቢ መከሰቱንም ነው ዘገባው የሚስረዳው፡፡

ምንጭ፡- ሬውተርስ

You might also like
Comments
Loading...