Fana: At a Speed of Life!

በኢራቅ ሃይማኖታዊ በዓል ላይ በተፈጠረ መገፋፋት 31 ሰዎች ሞቱ

አዲስ አበባ ፣ ጳጉሜን 6 ፣ 2011 (ኤፍ ቢ ሲ) በኢራቅ ሃይማኖታዊ በዓል ላይ በተፈጠረ መገፋፋት 31 ሰዎች መሞታቸው ተነገረ።

አደጋው የደረሰው የሺዓ ሙስሊሞች በየአመቱ የፈረንጆቹ መስከረም 10 ቀን በሚያከብሩት የአሹራ በዓል ላይ ነው።

በካራባላ ከተማ በተፈጠረው መገፋፋት ከሞቱት በተጨማሪ 100 ያክል ሰዎች መጎዳታቸውም ተነግሯል።

ከተጎዱት መካከል 10 ሰዎች በፅኑ መቁሰላቸውም ነው የተነገረው።

ሃይማኖታዊ በዓሉን ከኢራቅ በተጨማሪ የኢራን፣ ፓኪስታን፣ አፍጋኒስታን፣ ህንድ፣ ባንግላዴሽ እና ሊባኖስ ሺዓ ሙስሊሞች በየአመቱ በእግር ጉዞ እና በፀሎት ያከብሩታል።

በዓሉ የነብዩ መሃመድ የልጅ ልጅ የሆኑት የኢማም ሁሴንን ህልፈት ለማስታወስ የሚከበር መሆኑ ይነገራል።

 

 

ምንጭ፦ አልጀዚራ

You might also like
Comments
Loading...