Fana: At a Speed of Life!

በአዲስ አበባ ከተማ ወደ ዩኒቨርሲቲ የሚገቡ የ12ኛ ክፍል ተማሪዎች የሽኝት ፕሮግራም ተካሄደ

አዲስ አበባ፣ መስከረም 11፣ 2012 (ኤፍ ቢ ሲ) በአዲስ አበባ ከተማ ወደ ዩኒቨርሲቲ የሚገቡ የ12ኛ ክፍል ተማሪዎች የሽኝት ፕሮግራም ተካሄደ፡፡

ዛሬ ማምሻውን በሚሊኒየም አዳራሽ በተካሄደው ዩኒቨርሲቲ የሚገቡ የመንግስት እና የግል ትምህርት ቤቶች የ12 ክፍል ተማሪዎች የሽኝት መርሃ ግብር ላይ የከተማ አስተዳዳሩ ከፍተኛ የስራ ሃላፊዎች እና የሃይመኖት አባቶች ተገኝተዋል፡፡

በመርሃ ግብሩ ላይ የተጋበዙ የሃይመኖት አባቶች ተማሪዎቹ በሚገቡባቸው ዩኒቨርሲቲዎች እና አካባቢዎች በመልካም አራያነት የሚጠቀሱ ተግባራትን እንዲያከናውኑ አሳስበዋል፡፡

ራሳቸውን በመልካም ስነ ምግባር በማነጽ የእኩይ አላማ ማስፈፀሚያ መሆን እንደማይገባቸውም አስረድተዋል፡፡

መርሃ ግበሩ ተማሪዎቹ በ2012 የከፍተኛ ትምህርት ቆይታቸው ሰላማዊ እና አንድነቱ የተጠበቀ የመማር ማስተማር ለማስፈን የሚያስችል እንደሆም ነው የተገለጸው፡፡

የተማሪዎች የሽኝት መረሃ ግብር እንደራሴ በሚል መሪ ቃል በተለያዩ ፕሮግራሞች ደምቆ አምሽቷል፡፡

You might also like
Comments
Loading...