Fana: At a Speed of Life!

በአውሮፓ ዋንጫ ማጣሪያ ጀርመን ወደ ምድብ መሪነቷ ተመልሳለች

አዲስ አበባ ፣ ጳጉሜን 5 ፣ 2011 (ኤፍ ቢ ሲ) ለ2020ው የአውሮፓ ዋንጫ የማጣሪያ ጨዋታዎች ትናንት ምሽት በተለያዩ ከተሞች ተካሂደዋል።

በሳምንቱ መጨረሻ በሜዳዋ በኔዘርላንድስ 4 ለ 2 የተሸነፈችው ጀርመን ትናንት ምሽት ከሜዳዋ ውጭ ድል ቀንቷል።

ወደ ሰሜን አየርላንድ ያቀኑት ጀርመኖች 2 ለ 0 ሲያሸነፉ፥ ሃልስተንበርግ እና ሰርጅ ናብሪ የድል ጎሎቹን አስቆጥረዋል።

የኪዩመኗ ኔዘርላንድስ ደግሞ በራያን ባብል (2)፣ ሜምፊስ ዴፓይ እና ጆርጊኒዮ ዋይናልደም ጎሎች ኢስቶኒያን 4 ለ 0 አሸንፋለች።

ውጤቱን ተከትሎም ጀርመን ምድቡን ከ5 ጨዋታዎች በሰበሰበችው 12 ነጥብ በጎል ክፍያ ሰሜን አየርላንድን አስከትላ ትመራለች።

አንድ ቀሪ ጨዋታ ያላት ኔዘርላንድስ በ9 ነጥብ 3ኛ ደረጃ ላይ ትገኛለች።

አዘርባጃን ከክሮሺያ አንድ አቻ ሲለያዩ ስሎቫኪያ ከሜዳዋ ውጭ ሃንጋሪን 2 ለ 1 አሸንፋ ተመልሳለች።

ሜቄዶንያን ያስተናገደችው ላትቪያ ደግሞ 2 ለ 0 ተሸንፋለች።

በዚሁ ምድብ ፖላንድ እና ኦስትሪያ ያደረጉት ጨዋታ ደግሞ ያለምን ጎል በአቻ ውጤት ተጠናቋል።

እስራኤልን ያስተናገደችው ስሎቬኒያ ደግሞ ጨዋታውን 3 ለ 2 አሸንፋለች።

ካዛኪስታንን ያስተናገደችው ሩሲያ 1 ለ 0 ስታሸንፍ፥ ሳን ማሪኖ በሜዳዋ በቆጵሮስ 4 ለ 0 ሽንፈት አስተናግዳለች።

ወደ ስኮትላንድ ያቀኑት ቤልጂየሞች ደግሞ ከሜዳቸው ውጭ 4 ለ 0 ማሸነፍ ችለዋል።

ዛሬ ምሽትም የማጣሪያ ጨዋታዎቹ ቀጥለው ሲካሄዱ የምድብ 1፣ 2 እና 8 ጨዋታዎች ይደረጋሉ።

 

You might also like
Comments
Loading...