Fana: At a Speed of Life!

በባህር ዳር ከተማ በአራት ቢሊየን ብር ወጪ የብረታ ብረት ፋብሪካ ሊገነባ ነው

አዲስ አበባ ፣ ነሃሴ 29 ፣ 2011 (ኤፍ ቢ ሲ) በባህር ዳር ከተማ በአራት ቢሊየን ብር ወጪ የብረታ ብረት ፋብሪካ ሊገነባ ነው።

በአባይ ኢንዱስትሪ ልማት አክሲዮን ማህበር የሚገነባው ፋብሪካ ለግንባታው ዘርፍ አገልግሎት የሚውሉ ምርቶችን እንደሚያመርት ነው የተገለፀው።

የማህበሩ የቦርድ ሰብሳቢ አቶ መላኩ አለበል ከፋና ብሮድካስቲንግ ኮርፖሬት ጋር በነበራቸው ቆይታ እንደተናገሩት፥ ፋብሪካውን ጨምሮ ማህበሩ የሚያስገነባቸው ሌሎች ፕሮጀክቶች በተያዘላቸው ጊዜ እንዲጠናቀቁ ቦርዱና ባለድርሻ አካላት ክትትልና ቁጥጥር እያደረጉ ነው።

የብረታ ብረት ፋብሪካው ግንባታ ሲጠናቀቅም ከሀገር ውስጥ ባለፈ ለጎረቤት ሀገራት ምርቶቹን በማቅረብ የውጭ ምንዛሬ ማስገኘት ያስችላልም ነው ያሉት።

የፕሮጀክቱ አስተባባሪ አቶ በላይነህ አያሌው በበኩላቸው የፋብሪካውን ተወዳዳሪነት ከፍ ለማድረግ፥ የፋብሪካው ማሽኖች በዘመናዊ የቴክኖሎጅ ውጤቶች እንዲታገዙ ይደረጋል ብለዋል።

የፋብሪካው ግንባታ በሁለት አመት ተኩል ጊዜ ይጠናቀቃል ተብሎ ይጠበቃል።

 

በሙሃመድ አሊ

You might also like
Comments
Loading...