Fana: At a Speed of Life!

በሜክሲኮ የ29 ሰዎች አስከሬን ተገኘ

አዲስ አበባ ፣ መስከረም 7 ፣ 2012 (ኤፍ ቢ ሲ) በሜክሲኮ በአንድ ሚስጢራዊ የመቃብር ስፍራ የ29 ሰዎች አስከሬን ተገኘ።

አስከሬኑ በምዕራባዊቷ ጃሊስኮ ግዛት በተደረገ ቁፋሮ የተገኘ መሆኑን የሃገሪቱ ባለስልጣናት ተናግረዋል።

የሟቾቹ አስከሬን በፕላስቲክ ታሽጎ የተገኘ ሲሆን፥ ከሟቾቹ ውስጥ ሁለቱ ሴቶች መሆናቸውም ተገልጿል።

የአካባቢው ባለስልጣናትም በስፍራው ተጨማሪ ሚስጢራዊ የመቃብር ስፍራ እየፈለጉ መሆኑን ገልጸዋል።

በሜክሲኮ የተደራጁ የወንጀለኛ እና ዕፅ አዘዋዋሪ ቡድኖች በሚፈጥሩት አለመግባባት ሳቢያ አንዳቸው በአንዳቸው ላይ ግድያ ይፈጽማሉ።

ከቅርብ ጊዜ ወዲህም የሚሰወሩ እና የሚገደሉ ሰዎች ቁጥር መጨመሩን የሃገሪቱ ፖሊስ ይገልጻል።

እየተገባደደ ባለው 2019 በሜክሲኮ የተፈጸመው ግድያም ከምንጊዜውም የከፋውና ከፍተኛ ቁጥር ያለው ነው ተብሏል።

አሁን አስከሬን የተገኘበት የጃሊስኮ ግዛትም ዓለም ላይ የተደራጁ ወንጀለኛ ቡድኖች ካሉባቸው አምስት ቦታዎች አንደኛው መሆኑ ይነገራል።

 

ምንጭ፦ ሬውተርስ

 

 

You might also like
Comments
Loading...