Fana: At a Speed of Life!

በህዝብ ማመላለሻ ተሽከርካሪዎች ላይ ያለው የኪሎ ሜትር ገደብ ለተወሰነ ጊዜ መነሳቱ ተገለጸ

አዲስ አበባ፣ መስከረም 10 ፣2012 (ኤፍ ቢ ሲ) የፌዴራል ትራንስፖርት ባለስልጣን በህዝብ ማመላለሻ ተሽከርካሪዎች ላይ ያለውን የኪሎ ሜትር ገደብ ለአጭር ጊዜ ብቻ ማንሳቱን አስታወቀ።

ባለስልጣኑ ውሳኔውን ያሳለፈውም በተማሪዎች የዩኒቨርስቲ መግቢያ ወቅት የሚያጋጥመውን የትራንስፖርት እጥረት ችግር ለመቅረፍ በማለም ነው ተብሏል።

ስለሆነም የህዝብ ትራንስፖርት አገልግሎት የሚሠጡ ተሽከርካሪዎች የዩኒቨርሲቲ ተማሪዎችን ለማጓጓዝ ብቻ ከመስከረም 10 ቀን 2012 ጀምሮ እስከ ጥቅምት 30 ቀን 2012 ዓ.ም ድረስ ብቻ በኪሎ ሜትር ሳይገደቡ አገልግሎት መስጠት ይችላሉ።

በዚህ መሰረትም የክልልና ከተማ አስተዳደር ትራንስፖርት ተቋማት በመናኸሪያዎች ሠራተኞችን በመመደብ ተማሪዎች ሳያቆራርጡ በቀጥታ ወደ ዩኒቨርሲቲ የሚደርሱበትን ትራንስፖርት በማቀናጀት ሁኔታዎችን የሚያመቻቹ ይሆናል።

በተጨማሪም የሚመለከተው ተቆጣጣሪ አካል ጉዳዩን አውቆ ትብብር እንዲያደርግ ባለስልጣን መስሪያ ቤቱ ጥሪ አቅርቧል።

በተሽከርካሪዎች ላይ የነበረው የኪሎ ሜትር ገደብ ለአነስተኛ የህዝብ ማመላለሻ ተሸከርካሪዎች እስከ 150 ኪሎ ሜትር፣ ለመለስተኛ ከ150 እስከ 250 ኪሎ ሜትርና ለሀገር አቋራጭ የህዝብ ማመላለሻ ተሽከርካሪዎች ደግሞ ከ250 ኪሎ ሜትር በላይ እንደሆነ ይታወቃል።

You might also like
Comments
Loading...