Fana: At a Speed of Life!

በህልሟ የቃል ኪዳን ቀለበቷን የዋጠችው ሴት ቀዶ ጥገና ተደረገላት

አዲስ አበባ፣ መስከረም 5፣ 2012 (ኤፍ.ቢ.ሲ) በህልሟ ከአልማዝ (ዳይመንድ) የተሰራ የቃል ኪዳን ቀለበቷን የዋጠቸው አሜሪካዊት አነጋጋሪ ሆናለች።

ነዋሪነቷ ካሊፎርኒያ የሆነቸው የ29 ዓመቷ ጄና ኢቫንስ በህልሟ ከአልማዝ የተሰራ የቃል ኪዳን ቀለበቷን መዋጧ ተሰምቷል።

ኢቫንስ የቃል ኪዳን ቀለበቷን የዋጠቸውም በህልሟ በፍጥነት በሚጓዝ ባቡር ውስጥ ተሳፍራ ስትሄድ ሌቦች ቀለበቷን ሊወስዱባት ሲሞክሩ ድርጊቱን ለመከላከል በማሰብ መሆኑ ተነግሯል።

ኢቫንስ ከእንቅልፏ ስትነቃም ከጣቷ ላይ የነበረው የቃል ኪዳን ቀለበት አለመኖሩ እንዳስደነገጣት ተናግራለች።

ይሁን እንጂ በህልሟ ባቡር ውስጥ ስትጓዝ ከመጥፎ ሰዎች የደረሰባትን የዝርፊያ ሙከራ ለመከላከል የጋብቻ ቀለበቷን ለመዋጥ የተገደደች መሆኑን ለማስታወስ ችላለች።

የተፈጠረውን ሁኔታ ለፍቅር ጓደኛዋ ካስረዳች በኋላም ለችግሩ መፍትሄ ለማግኘት አቅራቢያ ወደ ሚገኝ ሆስፒታል ያቀናሉ።

ኢቫንስ በሆስፒታል በተደረገላት የራጅ (ኤክስ ሬይ) ምርመራም 2 ነጥብ 4 ካራት የቃል ኪዳን ቀለበት ሆዷ ውስጥ መኖሩ ተረግጋጧል።

በሁኔታው የተደናገጡት ዶክተሮችም የቃል ኪዳን ቀለበቱ ተፍጥሯዊ በሆነ መልኩ አስኪወጣ ከመጠበቅ ይልቅ ቀዶ ጥገና ማድረግ አስፋላጊ መሆኑን ስምምነት ላይ ይደርሳሉ።

በዚህ መሰረትም ዶክተሮች የተሳካ ቀዶ ጥገና በማድረግ ኢቫንስ በህልሟ የዋጠቸውን የቃል ኪዳን ቀለበት ከሆዷማውጣት መቻላቸው ተነግሯል።

ቀዶ ጥገኛ ለማድረግ በጣም ፈርታ የነበረቸው ኢቫንስም ቀለበቱ በሰላም ከሆዷ በመውጣቱ ከፍተኛ ደስታ እንደተሰማት ተናግራለች ።

ምንጭ፦ ቢቢሲ

 

You might also like
Comments
Loading...