Fana: At a Speed of Life!

ሰሜን ኮሪያ በኒውክሌር ጦር መሳሪያ ዙሪያ ከአሜሪካ ጋር ስታደርግ የነበረውን ውይይት እንደገና ልትጀምር ነው

አዲስ አበባ፣ ጳጉሜን 5፣ 2011(ኤፍ ቢ ሲ) ሰሜን ኮሪያ በኒውክሌር የጦር መሳሪያ ምርት  ዙሪያ ከአሜሪካ ጋር ስታደርግ የነበረውን ውይይት እንደገና ልትጀምር መሆኑ ተነግሯል።

ፕዮንግያንግ ከዚህ ቀደም በኒውክሌር የጦር መሳሪያ ምርት ገደብና ቁጥጥር ዙሪያ ከዋሽንግተን ጋር   ስታደርገው የነበረውን ውይይት እንደገና የመጀመር ፍላጎት ያላት መሆኑን  አስታውቃለች።

የሀገሪቱ  ምክትል የውጭ ጉዳይ ሚኒስትር ቾይ ሰን ውዌይ  እንደገለጹት ፥ ሰሜን ኮሪያ ሀገራቱ በጉዳዩ ዙሪያ  ጀምረውት የነበረውን ውይይት በተጠናከረ መልኩ ለማስቀጥል ፍላጎት ያላት መሆኑን አስታውቀዋል።

ቾይ ይህንን ያሉትም የአሜሪካ የውጭ ጉዳይ ሚኒስትር ማይክ ፖምፒዮ አሜሪካ ከሰሜን ኮሪያ ጋር በኒውክሌር ዙሪያ የምታደረገውን ውይይት እንደገና የመጀመር ፍላጎት እንዳላት መናገራቸውን ተከትሎ ነው ተብሏል።

ሁለቱ ሀገራት በጉዳዩ ዙሪያ የሚያደርጉት ውይይትም በተያዘው መስከረም ወር መጨረሻ አካባቢ ሊካሄድ እንደሚችል ተመላክቷል።

ውይይቱ በተሳካ ሁኔታ እንዲቀጥም አሜሪካ የሰሜን ኮሪያን ጥቅም የሚያስጠብቅና አማራጭ ሀሳብ ያካተተ አዲስ ሀሳብ ይዛ እንድትቀርብ ሚኒስተረሯ ጥሪ አቅርበዋል።

ባሳለፍነው ሰኔ ወር በሰሜንና ደቡብ ኮሪያ ድንበር ከማንኛውም ወታደራዊ ቀጣና ነፃ በሆነው ሥፍራ የተገናኙት ፕሬዚዳንት ኪምና ፕሬዚዳንት ትራምፕ በሰሜን ኮሪያና በአሜሪካ መካከል የተጀመረው የኑክሌር ውይይት እንዲቀጥል መወያየታቸውን ይታወሳል።

በተያያዘ ዜና ሰሜን ኮሪያ በኒውክሌር የጦር መሳሪያ ምርት ገደብ ዙሪያ ከአሜሪካ ጋር የመወያየት ፍላጎት እንዳላት ከገለጸች ስዓታት ቆይታ በኋላ የአጭር ርቀት ሚሳኤል ማስወንጨፏ ተነግሯል።

ምንጭ፦ቢቢሲ

You might also like
Comments
Loading...