Fana: At a Speed of Life!

ሪክ ማቻር ጁባ ገቡ

አዲስ አበባ ፣ ጳጉሜን 4 ፣ 2011 (ኤፍ ቢ ሲ) የቀድሞው የደቡብ ሱዳን ተቀዳሚ ምክትል ፕሬዚዳንት ሪክ ማቻር ከፕሬዚዳንት ሳልቫ ኪር ጋር ሊወያዩ ነው።

ማቻር ከሳልቫ ኪር ጋር ለሚያደርጉት ውይይትም ዛሬ ጁባ ገብተዋል።

ለሁለት ቀናት በሚኖራቸው ቆይታም ሳልቫ ኪርን ጨምሮ ከሌሎች ተቀናቃኝ ሃይሎች ጋር በተደረሰው የሰላም ስምምነት ተፈጻሚነት ዙሪያ ይወያያሉ ተብሏል።

የአሁኑ የማቻር ጉብኝት በሃገሪቱ ዘላቂ ሰላምን ለማስፈን ለሚደረገው ጥረት ተስፋን ይፈነጥቃል የሚል እምነት ተጥሎበታል።

በፈረንጆቹ 2011 ከሱዳን ተነጥላ ሉዓላዊ ሃገር የሆነችው ደቡብ ሱዳን ሁለት አመት በማይሞላ ጊዜ ውስጥ ወደ እርስ በርስ ግጭት ገብታ ሰላም ከራቃት ከራርማለች።

በወቅቱ ለተፈጠረው ግጭት ሳልቫ ኪር ሪክ ማቻርን ከስልጣን ማንሳታቸው መሆኑም ይነገራል።

ይህን ተከትሎ የተፈጠረውን ቀውስ እልባት ለመስጠት ከአንድ አመት በፊት የሰላም ስምምነት ቢደረስም እስካሁን ተፈጻሚ ሳይሆን ቆይቷል።

ለዚህ ደግሞ ሳልቫ ኪር ታጣቂዎችን ትጥቅ ለማስፈታትና ሂደቱን ተፈጻሚ ለማድረግ የገንዘብ አቅም የለኝም የሚል ምክንያት ያቀርባሉ።

 

 

ምንጭ፦ ሬውተርስ

You might also like
Comments
Loading...