Fana: At a Speed of Life!

ዩኒፎርሞችና የትምህርት ቁሳቁሶች ለተማሪዎች እየተሰጡ ነው

አዲስ አበባ፣መስከረም 3፣2012 (ኤፍ ቢ ሲ) የአዲስ አበባ ከተማ አስተዳደር ለ2012 የትምህርት ዘመን በመዲዋ ለሚገኙ የመንግስት ትምህርት ቤት ተማሪዎች የተዘጋጁ ዩኒፎርሞች እና የትምህርት ቁሳቁሶችን ለተማሪዎች በማከፋፈል ላይ ይገኛል።

በርክክብ ሥነ ሥርዓቱ ላይ የአዲስ አበባ ከተማ ምክትል ከንቲባ ኢንጂነር ታከለ ኡማን ጨምሮ የተለያዩ ታላላቅ ከያንያን እና የተማሪ ቤተሰቦች ተገኝተዋል።

ከተማ አስተዳደሩ በ2012 የትምህርት ዘመን በመዲናዋ ድጋፍ ለሚያስፈልጋቸው 600 ሺህ በላይ የመንግስት ትምህርት ቤት ተማሪዎች ዩኒፎርም እና የትምህርት ቁሳቁሶች ድጋፍ ሲያሰባሰብ መቆየቱ ይታወሳል፡፡

408 ያህል የመንግስት ትምህርት ቤቶች አድሳት ለማድረግም በእቅድ ሲንቃሰቀስ ቆይቷል፡፡

በዚህም ከተለያዩ ተቋማት፣ ባለሀብቶች እና ለጋሾች 7ነጥብ2 ሚሊየን ደብተሮች እና እስክብሪቶዎችን ማሳባሰቡን ይፋ አድርጓል፡፡

በመዲናዋ 488 ትምህርት ቤቶች በመንግስት እና በበጎ ፈቃደኞች እድሳት ተድርጎላቸዋል፡፡

የትምህርት ቤቶች እድሳት ተጠናቆ ለአገልግሎት ዝግጁ መሆናቸውም ነው የተገለጸው፡፡

ከትምህርት ቤቶቹ መካከል እድሜ ጠገብ የሆኑት ዳግማዊ ሚኒልክ እና ጥቁር አምበሳ ትምህርት ቤቶች ይገኙበታል፡፡

ለዳግማዊ ሚኒሊክ ትምህርት ቤት የ10 ሚሊየን ብር እና ለጥቁር አምበሳ ትምህርት ቤት የ6ነጥብ5 ሚለየን ብር ወጭ ተደርጓል፡፡

በመለሰ ምትኩ

You might also like
Comments
Loading...