Fana: At a Speed of Life!

ለመስከረም 4 ቀን የተጠራው ሰልፍ ለሌላ ጊዜ ተራዘመ

 

አዲስ አበባ ፣ መስከረም 2 ፣ 2012 (ኤፍ ቢ ሲ) በመጭው እሁድ በኢትዮጵያ ኦርቶዶክስ ተዋህዶ ቤተ ክርስቲያን ስር በሚገኙ የተለያዩ ማህበራ የተጠራው ሰልፍ ለሌላ ጊዜ ተራዘመ።

የቤተክርስቲያኗን ወቅታዊ ሁኔታ አስመልክቶ ለመስከረም 4 ቀን 2012 ዓ.ም ሰልፍ መጠራቱ የሚታወስ ነው።

ሰልፉን የሚያስተባብሩ 10 ሰልፍ አስተባባሪ ማህበራት ሰብሳቢ ቀሲስ ሙሉቀን ብርሃኑ፥ የእሁዱ ሰልፍ ቀነ ገደብ በማስቀመጥ መራዘሙን ለፋና ብሮድካስቲንግ ኮርፖሬት ተናግረዋል።

ሰብሳቢው ሰልፉ ቤተ ክርስቲያኗ እና ምዕመኑ የሚያነሷቸው ጥያቄዎች ምላሽ አለማግኘታቸውን ተከትሎ መጠራቱንም አስታውሰዋል።

አሁን ላይም ከጉዳዩ ጋር በተያያዘ መንግስት ተጨማሪ ውይይቶችን ለማድረግና ችግሮችን ተነጋግረን እንፈታለን በማለቱ ሰልፉ ለጥቅምት 30 ቀን 2012 ዓ.ም ተራዝሟል ብለዋል።

ከክልል ርዕሳነ መስተዳድሮች ጋር በዝርዝር ጉዳዮች ላይ ውይይት እየተደረገ መሆኑን የጠቀሱት ሰብሳቢው፥ በሚደረጉ ውይይቶች የሚደረስባቸውን ስምምነቶች በየሁለት ሳምንቱ ለህዝብ ይፋ እንደሚደረግ ገልጸዋል።

You might also like
Comments
Loading...