Fana: At a Speed of Life!

ሄዝቦላህ የእስራኤል አነስተኛ ሰው አልባ አውሮፕላን ከአየር ላይ መትቶ መጣሉ ተገለጸ

አዲስ አበባ፣ ጳጉሜን 4፣ 2011 (ኤፍ.ቢ.ሲ) ሄዝቦላህ የእስራኤል አነስተኛ ሰው አልባ አውሮፕላን ከአየር ላይ መትቶ መጣሉን አስታወቀ፡፡

ሰው አልባ አውሮላኗ ተመታ የወቀደቀችው በደቡባዊ ሊባኖስ በራማይህ ከተማ አቅራቢያ መሆኑ ተነግሯል፡፡

ሄዝቦላህ በስም ያልተተቀሰች የእስራኤል አነስተኛ ሰው አልባ አውሮፕላን ወደ ከተማዋ በማምራት ላይ እንዳለች ነው ከአየር ላይ መትቶ መጣሉን መግለጫ የሰጠው፡፡

አሁን ላይ አውሮፕላኗ በታጣቂዎች እጅ እንደደሆነች ነው የሄዝቦላህ መግለጫ የሚያመላክተው፡፡

የእስራኤል መከላከያ በበኩሉ በስምሪት ላይ የነበረች የአስራኤል ሰው አልባ አነስተኛ አውሮፕላን በደቡብ ዮርዳኖስ መውደቋን መግለጫ መስጠቱ ተገልጿል፡፡

አውሮፕላኗ ስለወደቀችበት ሁኔታ ዝርዝር መረጃዎች መግላጫው አላከተትም ነው የተባለው፡፡

በሊባኖን መንግስት የሶስት ሚነስትሮች ውክልና ያለው ሄዝቦላህ በፓርላማም ውስጥም መወከሉ ይነገራል፡፡

በሶሪያ ለበሻር አልአሳድ መንግስት ድጋፍ የሚያደርግ ጠንካራ ወታደራዊ ክንፍ እንዳለውም መረጃዎች ይጠቁማሉ፡፡

በአውሮፓዊያኑ 2006 ከእራኤል ጋር ለአንድ ወር ያህል የዘለቀ ውጊያ ማድረጉንም ዘገባው አስታውሷል፡፡

ምንጭ፡- አልጀዚራ

You might also like
Comments
Loading...