Fana: At a Speed of Life!

ባለቤቴ ከመጠን በላይ ያፈቅረኛል በሚል ሰበብ ፍቺ ለመፈጸም ፍርድ ቤት የቀረበቸው ሴት

አዲስ አበባ፣ ነሃሴ 20፣ 2011(ኤፍ ቢ ሲ) በተባበሩት ዓረብ ኤሚሬቶች የትዳር አጋሬ ከመጠን በላይ ያፈቅረኛል በሚል ምክንያት ፍቺ ለመፈጸም ፍድር ቤት የቀረበቸው ሴት ብዙዎችን አስገርማለች።

እንደሚታወቀው ሁለት ጥንዶች ሶስት ጉልቻ ከመሰረቱ በኋላ ቀሪ ህይወታቸው ያማረና የተሳካ ይሆን ዘንድ መፈቃቀርና መተሳሰብ ይገባቸዋል።

ይሁን እንጂ ሰው ሆኖ የማይሳሳት የለምና በትዳር ህይወት ውስጥ በተለያዩ ችግሮች ምክንያ አለመግባቶች ሊከሰቱ ይችላሉ ።

አለመግባቶች አይለው   ችግሮችን በውይይት መፍታት ሳይቻል ሲቀርም  ጥንዶች በሽማግሌ አሊያም  በፍርድ ቤት ትዳራቸውን  በስምምነት ያፈርሳሉ።

ሰሞኑን ከወደ ተባበሩት ዓረብ ኤሚሬቶች የተሰማው  ዜና ግን ከዚህ የተለየ ነው።

“ባለቤቴ ከመጠን በላይ ያፈቅረኛል ፤ በፍቅር እንክብካቤ የምሆነውን አሳጥቶኛል”ያለችው ሴት ፍቺ ለመፈፀም ፍድር ቤት መቅረቧ ተነግሯል።

ፍርድ ቤት ቀርባም “አንድ ዓመት በትዳር ሲናሳልፍ  አንድም ቀን ተቆጥቶኝ አያቅም፣አይከራከረኝም ፣ የምለውን ሁሉ ያለማንገራገር ይፈፅማል፣ ከመጠን ያለፈ እንክብካቤውም  በፍቅር የምሆነውን አሳጥቶኛል” ስትል ቅሬታዋን ለዳኞች አስረድታለች።

በተጨማሪም  የተለያዩ ጥፋቶችን ስፈፅም ሁል ጊዜ ይቅርታ ከማድረጉ በላይ  እኔን ለመንከባከብ ቤት እስከማፅዳት ይርሳል ብላለች ።

ስለሆነም የባለትዳሬ ፍቅርና እንክብካቤ  ከአቅሜ በላይ ስለሆነብኝ  ፍርድ ቤቱ  የፍቺ ጥያቄዬን ተግባራዊ ያደርግልኝ ስትል ጠይቃለች ።

በሁኔታው የተደናገጠው ባል በበኩሉ  ባለቤቱ የጠቀሰቻቸውን ነገሮች ሁሉ ያደረገው  ለትዳር አጋሩ  ጥሩ ባል ለመሆን  እና ህይወታቸውን ያማረ ለማድረግ በማለም መሆኑን ለፍርድ ቤቱ አስረድቷል

ይሁን እንጂ  ባለቤቱ ነገሮች የተረዳችበት መንገድ ስህተት በመሆኑ ዳኞች ጥያቄዋን ውድቅ በማድረግ  ጉዳዩን እንዲያስረዱለት እና ነገሮችን ያደረገው ጥሩ በማሰብ  መሆኑን እንድትረዳለት ተማፅኗል።

የባልና ሚስትን ክርክር ያዳመጡት ዳኞችም  በመካከላቸው የተፈጠረውን  ችግር ተወያይተው በራሳቸው እንዲፈቱ በማሳሰብ ማሰናበታቸው ተነግሯል።

ምንጭ ፦ኦዲቲ ሴንትራል

 

You might also like
Comments
Loading...