Fana: At a Speed of Life!

ፕሬዚዳንት ሳህለወርቅ ከአርቲስቶች ጋር ችግኝ ተከሉ

አዲስ አበባ፣ ነሃሴ 17፣ 2011 (ኤፍ.ቢ.ሲ) የኢፌዴሪ ፕሬዚዳንት ሣህለ ወርቅ ዘውዴ ከኢትዮጵያውያን አርቲስቶች ጋር በብሔራዊ ቤተ መንግስት ግቢ ውስጥ ችግኝ ተከሉ፡፡

አርቲስቶቹ በመላው የሀገሪቱ ክልሎች ተንቀሳቅሰው ህዝቡን በማነሳሳት ችግኝ ተከላው ከታቀደው በላይ እንዲከናወን ላደረጉት ከፍተኛ አስተዋፅኦ ፕሬዚዳንቷ አመስግነዋል፡፡

ፕሬዚዳንት ሳህለወርቅ የሁሉም ክልሎች ትስስርና የኢትዮጵያዊ አንድነታችን ምልክት በሆነው ቤተ መንግስታት ግቢ ውስጥ ችግኝ ተከላ ማከወናቸው እጅግ የሚያኮራ ተግባር መሆኑን መናገራቸውን ከፕሬዚዳንት ፅህፈት ቤት ያገኘነው መረጃ ያመለክታል፡፡

በዚህ የችግኝ ተከላ መርሃ ግብር ሁሉንም ክልሎችና ሁለቱን ከተማ መስተዳድሮች የወከሉ አርቲስቶች ከየክልሎቹ ያመጧቸዉን የአደራ ችግኞች ለፕሬዝደንቷ በማስረከብ በብሄራዊ ቤተ መንግስት ተከላ አካሂደዋል።

የኪነጥበብ ባለሙያዎች ለቀናት በተለያዩ ክልሎች የችግኝ ተከላ ሲያከናዉኑ የቆዩና ናቸዉ።

ከተከላዉ በኋላም ፕሬዚዳንት ሳህለወርቅ ዘዉዴ በችግኝ ተከላዉ የታየዉ መነሳሳት እጅግ አኩሪ መሆኑን አንስተዉ ለነበራቸው ተሳትፎ ምስጋናቸዉን አቅርበዋል፡፡

በቤተ መንግስት የተተከሉትን ታሪካዊና የአንድነት ምልክት ችግኞች ለመንከባከብ ቃል ገብተዋል።

በመርሃግብሩ ላይ የተሳተፉ አርቲስቶች ሙዚቀኞችና ተዋንያን በነበራቸው ተሳትፎ ደስተኛ መሆናቸዉን እና የታሪኩ አካል መሆን ልዩ ስሜት እንደሚፈጥር ገልጸዋል።

ባለሙያዎቹ የተከሏቸዉን ችግኞች እንደሚንከባከቡ ቃል የገቡ ሲሆን በዘመቻ የተተከሉትም ማስታወስ እንደሚገባ አሳስበዋል፡፡

በሀብታሙ ተክለስላሴ

You might also like
Comments
Loading...